Mbrojtja nga shtatzania e padëshiruar jo gjithmonë është efektive me të gjitha mënyrat, por nuk mund të themi të njëjtën gjë për metodën e sterilizimit…
Mbyllja e tubave (sterilizimi tek femrat) dhe vazektomia (sterilizimi tek meshkujt) janë metoda të vetme që kanë rezultat përfundimtar. Ato janë metoda shumë të sigurta, të cilat ju këshillohen personave dhe çifteve të cilët janë të sigurtë se nuk dëshirojnë apo nuk mund të kenë më fëmijë. Planifikimi familjar është në dispozicion të çifteve të cilët dëshirojnë të bisedojnë për këtë vendim të rëndësishëm.
Sterilizimi tek femrat
Ai nuk e ndryshon jetën seksuale të femrës. Cikli i menstuacioneve mbetet i njëjtë dhe menstruacionet vazhdojnë si më përpara.
Vazektomia te meshkujt
Edhe tek meshkujt sterilizimi nuk e ndërron cilësinë e jetës seksuale. Ai është në gjendje të kalojë në ereksion, orgazëm dhe nxjerrje të lëngut seminal (spermë). Disa javë pas operacionit, sperma nuk përmban më spermatozoide.
Si kryhet ndërhyrja?
Tek gratë është i domosdoshëm një operacion në kirurgji për të cilin duhet qëndruar në spital. Operacionin e kryen gjinekologu apo kirurgu. Te meshkujt, operacioni bëhet në kabinet mjekësor apo spital brenda një dite. Këtë operacion e bën kirurgu apo urologu.

Lexoni edhe: 10 menyra per te parandaluar shtatzanine