Quhet Vanellope Hope Wilkins, vajza e cila iu nënshtrua operacionit të parë të jetës së saj vetëm një orë pas lindjes dhe besohet se është e para vajzë e cila ka mundur t’i rezistojë kësaj gjendje jashtëzakonisht të rallë.
Një fëmijë vajzë, e lindur me zemrën jashtë trupit të saj mendohet të jetë personi i parë në Britaninë e Bashkuar që ka mundur t’i bëj ballë 3 operacioneve dhe të mund të mbijetojë pas një problemi të lindur, ekstremisht të vështirë.
Gjatë kontrollit të zhvilluar në javën e nëntë, u zbulua se Vanellope Hope Wilkins kishte një problem të quajtur ectopia cordis, ku zemra e saj dhe një pjesë e stomakut po zhvilloheshin jashtë trupit.
Prindërit e saj, Naomi Findlay dhe Dean Wilkins përkatësisht 31 dhe 43 vjeç, nga Bulwell, Nottinghamshire, u këshilluan që të ndrëprisnin këtë shtatzani.
Por 3 javë pas lindjes së saj të parakohshme, me operacion cezarian, Vanellope mundi t’i mbijetonte 3 operacioneve për ta vendosur përfundimisht zemrën e saj brenda trupit.
Ekperstët, përfshirë kardiologët, kanë thënë se nuk njohin një rast të ngjashëm që një fëmijë t’i ketë mbijetuar një gjendje të tillë.
Duke përshkruar emocionet e tyre, në radhë të parë rreth mundësive që kishte vajza për të mbijetuar, mamaja e saj, Znj. Findalay shprehu: “ Unë thjesht shpërtheva në lot. Por nuk mund ta shikoja fizikisht sepse gjendja rrodhi me shumë probleme”.
“Ndërsa shikonim skanerin, unë nuk mund të kuptoja asgjë, dukesh thjesht si një lloj brejtësi me një kapelë mbi kokë”, u shpreh Z. Wilkins.
Prindërit u shprehën se 10 minutat e para ishin shumë vendimtare pasi aftësia e saj për të marrë frymë ishte thelbësore. Por kur ajo lindi dhe ndërkohë po qante, ishte gjithçka që ata dëshironin. “20 minutat e para kaluan dhe ajo ende po nxirrte britma- gjë që na lumturoi dhe të qanim nga gëzimi.”
Vanellope përballoi 3 operacione të kryera nga një ekip prej 50 personash në “Spitalin Glenfield”. Menjëherë pas lindjes, ajo u vendos në një qese plastike të sterilizuar. Neonatalogu këshillues, Jonathan Cusack tha: “ Rreth 50 minutat e para të lindjes, u ndje qartë që Vanellope ishte e qëndrueshme për t’u transferuar përsëri në “teatrin” kryesor, ku ajo kishte lindur, ndërsa e prisnin anestezistët, ekipet e problemeve të zemrës dhe ekipet pediatrike për të mundësuar qëllimin e tyre kryesor, zhvendosjen e zemrës së vogëlushes brenda trupit të saj.
Ajo u transferua në njësinë e kujdesit pediatrik për të qëndruar disa javë derisa ajo të ishte majftueshëm e fortë dhe e madhe që zemra e saj të sistemohej brenda kraharorit të saj dhe të mbulohej me lëkurën e saj.
Pas 7 ditësh, kraharori i saj u hap pak më shumë për të krijuar më shumë hapësirë në mënyrë që të lejonte përshtatjen e zemrës brenda trupit.
Dy javë më vonë zemra u kthye natyrisht, prapa në kraharor si rezultat i gravitetit
Sipas llogaritjeve janë 5 në 8 milion bebe të lindura në kushte të tilla dhe kanë më pak se 10% mundësi të mbijetojnë.
E ëma e Vanelly u shpreh se gjatë shtatzanisë të gjithë insistonin që ajo të hiqte dorë pasi mundësitë për mbijetesën e fëmijës ishin pothuajse zero.
Dhe pas lindjes ajo tha: “ Unë ndihem fajtore sepse shpesh ndikohesha nga mendimet negative, e ndërsa Vanelly sot po lufton, unë mendoja të hiqja dorë”.
I ati, Z. Wilkins tha: “ Në disa momente e humbisja shpresën dhe nëse ajo nuk lëvizte unë thosha: ‘A ka lëvizuar ajo sot?’ dhe më pas, teksa ajo lëvizte papritmas unë thosha: ‘ Oh po, ajo më degjoi mua’.”
Prindërit e quajtën të bijën e tyre Vanelly, emri i një personazhi në filmin e Wreck-it Ralph. “ Venellope në film është aq kokëfortë dhe në fund ajo kthehet në një princeshë, pra ishte një emër mëse i përshtatshëm për vogëlushen tonë. Dhe pjesa e dytë e emrit Hope (në anglisht do të thotë shpresë), është për faktin se ajo na ka sjellë shpresë te gjithëve, madje edhe prindërve të mi, të cilët mendonin se nuk do ta shihnin kurrë mbesën e tyre”, tha Findlay.
Përfundimisht Wilkins, babai i vogëlushes tha: “Ka ende plot nëna që e ndërpresin shtatzaninë e tyre pasi informohen se fëmija e tyre ka një problem të caktuar por nëse ne mund t’ju kujtojmë atyre se ka ende një shpresë që gjithçka të shkojë mirë, atëherë ne jemi duke i dhënë këtyre nënave një tjetër shans për të vazhduar. Dhe saktësisht emri i vogëlushes tonë tregon, kujton se ka ende shpresë”!
Përshtatur nga theguardian.com
Lexoni edhe: Nje nate e kaluar midis atyre qe sjellin ne jete nje femije
')}
Për të lënë një koment ju duhet të jeni regjistruar Identifikohu