Largoni depresionin dhe ankthin në vetëm tre javë duke konsumuar këto ushqime

Sipas një studimi të fundit duke konsumuar një dietë të shëndetshme, mund t’ju ndihmojë për të dalë edhe nga një depresion i thellë në më pak se një muaj.




0 0

Studiuesit vëzhguan studentë të universitetit në depresion, dhe vaktet e tyre të të përditshme ishin kryesisht nga ushqime të përpunuara, sheqerna dhe yndyra të ngopura.

Ata zbuluan se duke u dhënë atyre më shumë fruta, perime, peshk dhe mish pa dhjamë kishte përmirësime të konsiderueshme në humorin e tyre pas vetëm tre javësh.

Ekspertët thonë se ushqimet që përmbajnë shumë vitamina, minerale dhe antioksidantë ushqejnë trurin dhe ulin inflamacionin dhe ‘stresin e brendshëm’ që shoqërohet me depresiion.

Hulumtimi nga Universiteti Macquarie në Australi, është i fundit nga studimet që lidhin dietën e mirë me përmirësimin e shëndetit mendor.

Sidoqoftë, ky konsiderohet si një nga studimet më të besueshëm.

Dr. Heather Francis dhe kolegët e tij morën nën vëzhgim 76 studentë të universitetit, të gjithë ishin të moshës midis 17 dhe 35 vjeç.

Në fillim të studimit, të gjithë vullnetarët plotësuan pyetësorë të hollësishëm në lidhje me gjendjen shpirtërore dhe dietën ushqimore.

Të gjithë shënuan “notën” shtatë ose më të lartë për të llogaritur shkallën e depresionit, ankthit dhe stresit – një shenjë e depresionit të rëndë.

Vullnetarët gjithashtu konsumonin sasi të larta të karbohidrateve të rafinuara, yndyra të ngopur dhe sheqerna.

Studiuesit pastaj i ndanë pjesëmarrësit në dy grupe –  grupi që ndryshoi dietën dhe grupi që vazhdoi me të njëjtën dietë.

Të dy grupet e pjesëmarrësve ishin akoma duke marrë antidepresantët e tyre gjatë gjithë studimit.

Ata që ishin në grupin që ndryshuan dietën, konsumonin çdo ditë pesë lloje perimesh dhe dy ose tre lloje frutash çdo ditë.

Atyre u ishte thënë gjithashtu të konsumonin tre racione me drithëra integrale, tre racione me mish pa dhjamë, vezë dhe bishtajore, si dhe dy lugë vaj ulliri dhe një lugë çaji me shafran indie ose kanelle në ditë.

Të njëjtët vullnetarë u udhëzuan të zvogëlonin konsumimin e karbohidrateve të rafinuara, sheqernave, yndyrave dhe konsumimit të sheqerit të përpunuar.

Pas 21 ditësh, vullnetarët që ndryshuan dietën e tyre panë që rezultati i tyre i depresionit ra nga 7.2 në 4.4 dhe ky konsiderohet një nivel mjaft pozitiv.

Grupi gjithashtu pa që nivelet e tyre të ankthit ranë nga 6.3 në 3.4 dhe stresi i tyre ra nga 7.7 në 4.8.

Ndërsa grupi që vazhdoi ditën ushqimore si më parë nuk pati ndryshim në rezultatin e depresionit, ankthit apo stresit.

Autorët kanë shkruar: ‘Këto gjetje shtojnë një literaturë në rritje që tregon se një ndryshim modest në dietë është një terapi e dobishme ndihmëse për të zvogëluar simptomat e depresionit.’

Ai shtoi: ‘Sidoqoftë, për ata njerëz që janë duke luftuar me shëndetin e dobët mendor ne do të inkurajonim edhe zgjedhje të tjera jetese, siç është stërvitja e rregullt dhe sigurimi që të mos anashkaloni ndonjë vakt (veçanërisht mëngjesin) pasi sheqeri i ulët në gjak mund të ulë gjendjen shpirtërore.

“ Më e rëndësishmja, nëse jeni duke përjetuar depresion ose ankth, dhe kjo situatë zgjat më shumë se një javë dhe po ndikon në aftësinë tuaj për të drejtuar jetën tuaj, duhet të kërkoni mbështetje dhe trajtim profesional.”

Lexo edhe: Çokollata mund të luftojë depresionin



Për të lënë një koment ju duhet të jeni regjistruar Identifikohu



Materiale te ngjashme

Konsumi i kosit mbron mëlçinë

Konsumi i kosit rregullisht ndihmon në parandalimin e sëmundjeve të mëlçisë, të tilla si mëlçia yndyrore. Zbulimi është rezultat i një studimi të kryer nga Assolatte. Një sëmundje e rrezikshme...

Nëse gatuani me këto lloj...

Por duket se shumë prej nesh bëjmë një gabim të madh kur gatuajmë. Kjo pasi përdorim edhe lugë, lopatëza apo enë të tjera plastike. Mirëpo sipas shkencëtarëve kimikatet plastike që...

4 Gjërat që i ndodhin...

Në një studim, Shoqata Amerikane e Zemrës zbuloi se konsumimi i pakët i arrorëve rrit shanset për zhvillimin e sëmundjeve kardiovaskulare. Ndër arrorët, bajamet janë të preferuarat jo vetëm për...

5 mënyra se si ta...

Pasi të piqet, ju keni një kohë të shkurtër, përgjithësisht disa ditë - para se fruti të fillojë të prishet. Ju mund të pyesni veten se si ta përcaktoni kur...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X