Kjo nuk do të vijë menjëherë por brenda 5 vitesh. Dhe testi gjithashtu do të ndihmojë në personalizimin e diagnozës dhe trajtimet nga depresioni, si dhe për të zbuluar se kush është më i rrezikuari për të përjetuar sëmundjen.

Po kërkohen tregues

Ideja mbështetet nga Dario Aspesi dhe Graziano Pinna i Universitetit të Illinois, dhe është botuar në revistën Expert Review of Proteomics dhe prezantuar në Dallas në konferencën XIII të studiuesve italianë në botë. “Testi – shpjegon Pinna – do të vlerësojë praninë ose mungesën e treguesve të lidhur me sëmundjen. Praktikisht, do të jetë e mjaftueshme për të matur nivelin e gjakut të molekulave siç janë neurosteroidet që prodhohen në tru, por janë gjithashtu të pranishme në gjak dhe ndryshohen nga stresi.

Po ashtu për stresin post traumatik

Nivele të tilla mund të tregojnë shqetësime të humorit tek një person dhe sëmundje psikiatrike, të tilla si depresioni dhe çrregullimi i stresit post-traumatik (Ptsd). Në këtë drejtim, po zhvillohet një test gjaku në laborator që kërkon molekula të ndryshme, të paktën 20, përqendrimi i të cilave është thelbësor për diagnostikimin e depresionit ose për të zbuluar se kush është i prirur për sëmundje stresi post traumatik. Testi do të tregojë gjithashtu se kush – ndër depresionet – mund të përfitojë nga ilaçe të caktuara, duke ndihmuar në rregullimin e terapive”.

Qëllimet për të ardhmen

Aktualisht çrregullimet psikiatrike si depresioni diagnostikohen përmes pyetësorëve te pacienti dhe bazohen tek simptomat; të paturit të një testi të bazuar në tregues të shumëfishtë që gjurmojnë biofirmën e secilit pacient do të ishte revolucion si në fushën diagnostikuese ashtu edhe në atë terapeutike. Për më tepër, mund të ndihmojë gjithashtu në identifikimin e llojeve të ndryshme të pacientëve, të organizojë prova klinike më të synuara dhe të prodhojë ilaçe më të sakta.

Lexo edhe: Nëna shqiptare rrëfen si e kaloi depresionin postpartum: Ne ia dalim gjithmonë!