Hemangioma infantile, tumori më i zakonshëm te fëmijët, prek rreth 4-6% të të porsalindurve. Shkaqet janë ende të panjohura, por dyshohet një kombinim i faktorëve: gjinia mashkullore, mosha e avancuar e nënave, probleme me placentën dhe lindja e parakohshme. Pas një paraqitje fillestare, sëmundja ndjek një fazë proliferative që zgjat 6-8 muaj, por ndonjëherë mund të zgjatet deri në 20 muaj. Pastaj hemangioma stabilizohet, dhe bën regres spontanisht brenda pak vitesh.
Ndonjëherë bëhet e rrezikshme
Megjithatë, në rreth 10-12% të rasteve, vendndodhja e plagës mund të çojë në komplikime të rënda. Për shembull, në qoftë se është e lokalizuar në zona të ndjeshme të tilla si qepallat, veshët, hunda, goja apo në zonën urogjenital, ajo mund të ndërhyjë me funksionet normale, apo edhe rrezikojë jetën. Në këto raste, diagnoza dhe inicimi i trajtimit duhet të jetë në kohë.
Rezultate pozitive me propranolol
Për dekada me radhë, ilaçet e përdorura për trajtim ishin të gjitha të përdorura për arsye të ndryshme nga ato të treguara në etiketë në Itali. Përgjigja terapeutike varionte nga 30 në 70% të rasteve dhe mund të kishte efekte anësore serioze. Tani përdorimi i propranololit, një bllokues beta mund të frenojë përhapjen dhe të përshpejtojë regresin në 90% të rasteve. Siguria dhe efikasiteti janë verifikuar përmes një studimi prej 460 fëmijëve në 16 vende.
Nevojiten qendra multidisiplinare
Është i nevojshëm, sipas specialistëve, ndërtimi i një rrjeti të qendrave të specializuara multidisiplinare në të cilat të punojnë së bashku profesionistë (mjekë dhe infermierë).
Ndikimet psikologjike
Sipas një studimi ndërkombëtar, më shumë se 70% e prindërve të një fëmije të prekur deklaruan se hemangioma kishte një ndikim të madh psikologjik në jetën e fëmijës dhe familjes.
Lexo edhe: Kanceri te femijet, shtohen rastet
Për të lënë një koment ju duhet të jeni regjistruar Identifikohu