Kur bëhemi prindër ne duam të jemi të pranishëm për çdo moment të veçantë dhe arritje në jetën e fëmijëve tanë. Por, ndërsa nënat e sotme po shpenzojnë më shumë kohë me fëmijët e tyre sesa gjeneratat para nesh, gjithashtu po shpenzojnë edhe më shumë kohë dedikuar karrierës.
Pra, shpesh do të dëshironim të ishim në të dyja vendet njëkohësisht, por kjo është e pamundur dhe ndonjëherë edhe e dhimbshme.
Është një realitet që tenistja Serena Williams e kupton. Kohët e fundit ajo humbi një moment shumë të rëndësishëm për çdo nënë: hapat e parë të fëmijës së saj.
“Vajza ime hodhi hapat e saj të parë, por unë e humba këtë moment sepse isha në stërvitje. Kam qarë shumë”, – shkroi ajo në Twitter.
Është tërësisht e kuptueshme që për Williams humbja e këtij momenti ishte e dhimbshme, por është një dhimbje që mund ta përjetojnë shumë nëna.
Sipas rezultateve të një sondazhi, 78% e nënave të anketuara thonë se kanë ndjenja të përziera për kombinimin e karrierës dhe mëmësisë dhe se nevojitet vërtet kompromis.
Humbja e hapave të parë të fëmijës suaj për shkak se keni qenë duke u trajnuar ose për shkak se keni punuar në zyrë, nuk duhet t’ju bëjë të ndiheni fajtore.
Edhe një nënë që nuk është në punë mund ta humbiste këtë moment sepse mund të rastiste duke bërë dush.
Ose mund të ndodhë që fëmija të thojë fjalën e tij të parë ndërkohë që ju e keni çuar te gjyshja.
Është e natyrshme të ndiheni të mërzitur për këtë, por ky nuk është faji i nënës.
Prindërit duhet të përpiqen të jenë të butë me veten nëse ndodh diçka e tillë.
“Ju mund të mos jeni atje kur fëmija të arrijë diçka për herë të parë, por do të jeni shumë herë të tjera. Ky është momenti për të festuar dhe për të ndarë gëzimin me fëmijën tuaj. Ju vërtet mund të humbisni disa momente magjike, por çdo moment mund të jetë magjik me fëmijën. Në vend që të vuani për momentet që humbët, bëni magjikë momentet gjatë të cilave jeni të pranishëm”, – këshillojnë psikologët.
Lexo edhe: Arritjet e para “te vogla” te femijes suaj
Sorry, there are no polls available at the moment.')}
Për të lënë një koment ju duhet të jeni regjistruar Identifikohu