A ka nevojë një fëmijë i cili ushqehet vetem me gji për ujë? Kur duhet të filloj t’i jap ujë? Cili është uji më i mirë për fëmijën tim? Këto edhe shumë pyetje të tjera mund të lindin tek nënat e reja. Por cfarë këshillojnë mjekët pediatër për këtë problem?
A duhet të pijë ujë një fëmijë që ushqehet me gji?
Nëse fëmija ushqehet me gji, gjatë muajve të parë të jetës nuk ka nevojë për ujë. Qumështi i nënës përbëhet nga rreth 95% ujë. Përveç qumështit çdo lloj lëngu tjeter ( ujë, kamomil etj ) do të ishte i tepërt, kjo deri në momentin që fëmija do të filloj të ushqehet me ushqime të ngurta. Nëse ndodh e kundërta stomaku i fëmijës do të mbushej me lëngje të cilat do t’i jepnin ndjesinë e ngopjes dhe në momentin e gjidhënies ai do të refuzonte të pinte.
Kur duhet t’i japim ujë fëmijës?
Këshillohet që fëmijës t’i jepet ujë pas fillimit të ushqimeve të ngurta, pra rreth muajit të 4-6-të së jetës.
Cili ujë do të ishtë më i mirë për fëmijën?
Për fëmijën duhet të përdoret ujë oligomineral, i cili përmban minerale në vlerat e duhura. Fëmijës nuk duhet t’i jepet në asnjë mënyrë ujë me gaz. Këshillohet që uji të jetë në shishe qelqi.
A mund t’i jap fëmijës ujë çesme?
Nëse uji që del nga rubineti juaj është deklaruar i pijshëm, ju mund t’ja jepni atë fëmijës tuaj pa problem, pasi kjo do të thotë se ai është baktereologjikisht i pastër, i përgjigjet kërkesave të caktuara fiziko-kimike si dhe nuk përmban substanca të dëmshme.
Nëse uji në vendin ku jetoni nuk është deklaruar si i pijshëm ju duhet t’i jepni fëmijës ujin e blerë në shishe. Ndërsa në rastet që uji është deklaruar i pijshëm por ju jeni dyshues, mund ta zieni dhe pasi të ftohet t’ja jepni fëmijës .
Lexoni dhe: 6 gabimet e prindërve lidhur me ushqyerjen e fëmijëve
Për të lënë një koment ju duhet të jeni regjistruar Identifikohu