Foshnja po qante shumë. Ky është motivi absurd i një dadoje, e cila i theu shtyllën kurrizore foshnjës katër muajsh për të cilin duhej të kujdesej. Historia absurde ndodhi në Daytona Beach, Florida. Gruaja e re, vetëm njëzet e një vjeç, quhet Amy Godden dhe pasi ka tentuar të mohojë faktet, në fund ka pranuar gjithçka para hetuesve.
Historia
Amy ishte kujdestarja e fëmijës katër muajsh, i cili u dërgua në spital të hënën e kaluar me shpinën e thyer. Ishte vetë gruaja e re që shkaktoi dëmin, që pranoi para hetuesve se kishte keqtrajtuar fëmijën.
Në fillim, sipas raporteve nga Daytona Beach News-Journal, vajza tha një version tjetër të fakteve, duke pretenduar se kishte gjetur foshnjën të shtrirë me krahun e tij të majtë, që varej nga njëra anë. Amy dëshironte ta kalonte episodin si një aksident.
Shumë fakte kundër kujdestares
Hetuesit, megjithatë, të pabindur, inspektuan shtëpinë ku jetonte fëmija, dhe zbuluan se lëkundësja që përdorej për porsalindurin nuk kishte shufra anësore ku mund të mbërthehej krahu, siç u tha nga dadoja. Në këtë pikë, Amy ndryshoi përsëri faktet dhe tha se në përpjekje për ta ngushëlluar, foshnja bllokoi aksidentalisht krahun nën trupin e tij, duke shkaktuar frakturë.
Me pak fjalë, shumë gënjeshtra për të maskuar të vërtetën më të hidhur, përkatësisht dhunën e pajustifikueshme mbi një fëmijë. Tani Godden akuzohet për abuzim ndaj fëmijëve dhe aktualisht është në burg.
Lexo edhe: Njerka rreh dhe lë pa ushqim djalin 5 vjeçar
Për të lënë një koment ju duhet të jeni regjistruar Identifikohu