Një dietë e ekuilibruar që ju lejon të mbani nën kontroll peshën, me një bark të sheshtë lufton kancerin e gjirit, një nga shkaktarët kryesorë të vdekjes së femrave çdo ditë. Nëse shkaku parësor i sëmundjes ende nuk dihet, në fakt, mbipesha është ndër faktorët më të njohur të rrezikut.

Vëmendje peshës dhe madhësisë së belit

Disa studime kanë theksuar, gjatë viteve, rolin e luajtur nga shtimi i peshës dhe obeziteti në fillimin e kancerit të gjirit. Hulumtimet e fundit të botuara në revistën mjekësore Nature Communications në veçanti kanë konfirmuar funksionin e yndyrës së barkut si një parashikues i këtij rreziku. Pas studimit të indeksit të masës trupor dhe madhësisë së belit në mbi njëzet e gjashtë mijë njerëz, studimi tregoi se burrat dhe gratë me indeksin më të lartë se 30 (dhe për këtë arsye konsideroheshin të mbipeshë) kishin 33% dhe 22% respektivisht më shumë rrezik për t’u prekur nga kanceri (kolorektal, endometrial, i ezofagut, i fshikëzës së tëmthit, pankreasit, veshkave dhe gjirit) krahasuar me njerëzit me peshë normale. Përqindje shumë të ngjashme janë vërejtur si te meshkujt ashtu edhe te femrat – në krahasim me ata që kishin ndryshime të masës së belit përtej normave të lejuara.

Hulumtimi ka treguar se në veçanti pas menopauzës rritja e peshës lidhet me një rrezik në rritje të zhvillimit të formave agresive të kancerit të gjirit. Hulumtuesit gjetën gjithashtu se vendndodhja e yndyrës së tepërt mund të bëjë dallimin: kur vendndodhja ishte në bark, në fakt, rreziku u rrit deri në 56%, me rast të veçantë të formave më invazive. “Kjo do të thotë se në studimet tona duhet të shtojmë edhe vëmendjen ndaj mbipeshës së butë dhe lokalizimit të indit dhjamor, i cili funksionon si një shkak i vërtetë për sëmundjet tumorale”,- shpjegojnë autorët e studimit.

Me diagnozën adekuate të hershme shanset për të fituar luftën ndaj këtij lloj kanceri janë të larta.

Lexo edhe: Ushqyerja brenda nje kohe prej 8 oresh cdo dite mund t’ju mbroje nga kanceri i gjirit