Kur sjell në jetë një fëmijë nuk ka gjë më të bukur sesa përkedheljet që i fal. Diçka e tillë nuk i jep kënaqësi vetëm nënës, por ndihmon gjithashtu në zhvillimin e foshnjës. Një studim i kohëve të fundit nënvizon se kontakti i parë mes nënës dhe fëmijës ka aftësinë të ndikojë në trurin e tij.
Studimi
Sipas këtij hulumtimi, të kryer nga ekspertë të Spitalit të Fëmijëve Ndërkombëtar në Ohio, kontakti i parë nënë-fëmijë mund të ndikojë në mënyrën se si zhvillohet truri i foshnjës dhe se si përpunon stimujt. Në fakt, foshnjat e sapoardhur në jetë e perceptojnë botën përreth vetëm përmes prekjes. Studiuesit analizuan reagimin e trurit të 125 fëmijëve, përfshirë edhe ata që kishin lindur para kohe, dhe zbuluan se sa më shumë ta përqafojë e ta përkëdhelë nëna, aq më shumë zhvillim merrte truri i tyre.
Si është e mundur?
Fëmijët vijnë në këtë jetë kur truri i tyre dhe sistemi neurologjik ende nuk kanë përfunduar zhvillimin normal. Kjo vihet re veçanërisht tek fëmijët e lindur premature(para kohe). Kontakti i parë me nënën dhe siguria fizike janë të rëndësishme për të ndihmuar fëmijët të arrijnë një zhvillim normal shqisor. Kur foshnjet përjetojnë një kontakt me nënën, truri i tyre reagon. Fëmijët e lindur para kohe janë ata që kanë më shumë gjasa të “përgjigjen” nga prekja e parë me nënën e tyre.
Rezultate të tjera
Dr. Nathalie Maitre, nga Spitali i Fëmijëve Ndërkombëtar dhe Qendra Mjekësore e Universitetit Vanderbilt, tha: “Siguria që foshnjat e lindur para kohe marrin nga përqafimi me nënën është thelbësor për të ndihmuar zhvillimin e trurit t tyre”.
Studiuesit analizuan reagimin e dy grupeve të foshnjeve, ata të lindur në javën e 24-36 dhe grupi tjetër të lindur në javën 38-42. Rezultatet treguan se të lindurit premature reagonin më shumë se grupi tjetër.
Lexo edhe: Babai dhe bebi, rendesia e kontaktit lekure me lekure
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu