Sipas një studimi të ri, femrat që marrin multivitamina gjatë shtatzanisë mund të ulin riskun e autizmit tek fëmijët. Në studimin e publikuar në “British Medical Journal”, u ushtruan 3 metoda të ndryshme analitike për të mbledhur të dhëna nga 300,000 çifte nënë e fëmijë në Suedi. Ky studim në asnjë moment nuk sugjeron se suplementet eleminojnë çdo shans për autizëm, por thjesht tregon për rëndësinë e vlerave ushqyese që duhet të marrë nëna gjatë shtatzanisë dhe ngre pyetje të rëndësishme për studimet në të ardhmen.

Një studim i vetëm, vëzhgues nuk mund të përcaktojë shkakun dhe pasojën, thotë bashkautorja e studimit, Elizabeth DeVilbis nga Drexel University. Gjithsesi një lidhje e mundshme mes suplementeve të përdorura në shtatzani dhe uljes së rrëzikut për autizëm, është intriguese.

Ndërkohë që shkaku i autizmit është ende i pa njohur, një grup i madh studiuesish mendojnë se ai zhvillohet në mitër. Dhe duke e ditur që vlerat ushqyese që merr nëna gjatë shtatzanisë ndikojnë në zhvillimin e trurit të bebit, ato mund të kenë ndikim në zhvillimin e autizmit. Shkencëtarët kanë eksploruar dhe më parë lidhjen mes autizmit dhe suplementeve si acidi folik dhe multivitaminave të tjera, por rezultatet e atyre studimeve janë të paqëndrueshme dhe shumë prej tyre nuk e bejnë dallimin e autizmit me apo pa prezencën e një sëmundje mendore.

Për këtë studim, nenat e vëzhguara raportuan vetë përdorimin e acidit folik, hekurit dhe suplementeve të tjera ushqyese gjatë shtatzanisë. Më pas shkencëtarët vëzhguan lidhjen e këtyre vitaminave me autizmin i cili nuk shoqërohej me semundje të tjera mendore.

Është e rëndësishme të shtojmë se studimi të lë të dyshosh për disa arsye. E para studimi nuk tregon pikën kritike të ekspozimit ndaj këtyre suplemeteve, kombinimin e duhur apo çfarë shkakton saktësisht.
Rezultatet janë të vështira për tu përkthyer pasi janë zhvilluar në një gjuhë tjetër e jo në anglisht dhe janë zhvilluar në një vend ku kompanive farmaceutike u lejohet të financojnë kërkime të tilla. Meqënëse industria e suplemeteve është një industri në rritje që parashikohet të arrijë në 278 miliard dollarë deri në vitin 2024 kjo hedh një dyshim të madh në rezultatet e studimit.

Lexoni dhe: Rendesia e vitaminave gjate shtatzanise 

')}