Ju dhe bebi juaj mund të keni kaluar dy të tretat e këtij rrugëtimi, mirëpo foshnja juaj ende duhet të zhvillohet. Më poshtë ju do t’ju tregojmë se çfarë duhet të prisni gjatë tremujorit të tretë të shtatzënisë, komplikimet dhe çfarë duhet të keni parasysh.
Mund t’ju duket sikur barku juaj nuk mund të rritet më shumë se kaq, por mos kini dyshim pasi ai do të rritet edhe më shumë gjatë tremujorit të tretë të shtatzënisë.
Tremujori i tretë fillon në javën e 28 të shtatzanisë dhe zgjat deri sa të lindni, dhe lindja mund të jetë rreth javës 40 të shtatzanisë. Me fjalë të tjera, tremujori juaj i tretë zgjat nga fillimi i muajit të 7 deri në fund të muajit të 9 të shtatzënisë. Por lindja ka gjasa që të jetë dy javë më herët ose dy javë më vonë se 40 javë. Në fakt, rreth 30 përqind e të gjithë foshnjave qëndrojnë në bark më shumë se 40 javë. Nëse ky është rasti, mund të provoni disa ushtrime që të nxisni vetë lindjen, por pasi të keni arritur në javën e 42 të shtatzënisë, lindja do të konsiderohet e vonuar dhe mjeku juaj do të marrë masat për ta nxitur atë.
I vogli juaj do të rritet mjaftueshëm në tremujorin e tretë të shtatzënisë, duke u rritur nga 1.1 kg dhe 40 cm në javën e 28 të shtatzënisë, në 2.7 deri në 4 kg dhe deri në 55 cm të gjatë,
Në të vërtetë foshnja gjatë kësaj faze rritet shpejt, prandaj mos u habisni nëse rritja e përmasave të tij, që sjell një zvogëlim të hapësirës në bark, sjell probleme serioze për zorrën tuaj.
Kockat: Në këtë periudhë trupi i foshnjës suaj shndërrohet nga kërc në kockë, këshu që bebi merr gjithë kalciumin që i nevojitet, kështu që sigurohuni të konsumoni sa më shumë ushqime të pasura me kalcium.
Flokët, lëkura dhe thonjtë: Deri në javën e 32 të shtatzanisë, lëkura e sipërme e bebes do të bëhet më e errët. Në javën e 36, yndyra vazhdon të grumbullohet ndërsa foshnja juaj mbulohet nga verdhëza, ose substanca e dyllit që mbron lëkurën e tij nga lëngu juaj amniotik dhe lanugo (disa qime që e mbajnë ngrohtë bein në bark).
Sistemi tretës: Në javët e fundit të shtatzanisë, mekonium – ose jashtëqitja e parë e foshnjës, e përbërë kryesisht nga qelizat e gjakut, verdhëza dhe lanugo – fillon të ndërtohet në zorrët e foshnjës.
Pesë shqisat: Receptorët e shqisave së bebes suaj do të zhvillohen plotësisht rreth javës së 29 ose javës së 30. Deri në javën 31 të shtatzanisë, foshnja juaj do të marrë sinjale nga të pesë shqisat, duke perceptuar dritën dhe errësirën, duke shijuar atë që hani dhe duke dëgjuar zërin tuaj.
Truri: Në tremujorin e tretë truri i foshnjës tuaj do të rritet më shpejt se kurrë, duke provuar disa aftësi të mrekullueshme, si përpëlitjen e syve, ëndërrimin dhe rregullimin e temperaturës së tij të trupit.
Rreth javës 34 të shtatzanisë, trupi i foshnjës kthehet në drejtim të pjesës së poshtme të barkut, duke u vendosur në një pozicion kokë poshtë. Në rastet e kundërta mjeku merr masat për lindje me operacion ose për ta kthyer foshnjën në pozicion.
Ndryshimet në trupin tuaj
Me një foshnjë brenda barkut tuaj, ju ndoshta jeni duke ndjerë shumë lëvizjet e tij në tremujorin e tretë. Ju gjithashtu mund të jeni duke përjetuar ndryshime në trupin tuaj pasi barku juaj bëhet më i madh se kurrë, duke përfshirë:
Dhimbje të barkut: Ndërsa ligamentet tuaja të rrumbullakëta (ku mbështetet pjesa e poshtme e barkut) shtrihen për të akomoduar gungën tuaj në rritje, mund të ndjeni ngërçe ose dhimbje të mprehta në bark. Nuk ka shumë gjëra që mund të bëni për t’i qetësuar këto dhimbje prandaj merrini me sportivitet.
Lodhja: Do të ndiheni më të lodhura këtë tremujor për shkak të kërkesave që shtatzënia po i kërkon trupit tuaj, kështu që hani mirë dhe shpesh, qëndroni aktiv dhe zgjidhni problemet e gjumit gjatë shtatzanisë.
Djegia e stomakut: Në javët e fundit të shtatzënisë, mitra juaj do të shtyjë stomakun me gjithë ushqimin që mban, duke shkaktuar djegie të vazhdueshme. Nëse kjo ju shqetëson shumë flisni me mjekun për t’ju dhënë disa mjete të tjera bllokuese.
Kontraktimet e Braxton Hicks: Mënyra e trupit tuaj për t’ju përgatitur për lindje është kur ju filloni të ndieni kontraktimet e parregullta, derisa të fillojë lindja.
Venat varikoze: Ju mund të vini re venat e fryra (përfshirë hemorroidet, të cilat në të vërtetë janë një lloj vene varikoze) në pjesën e poshtme të trupit për shkak të gjithë gjakut shtesë që po pomponi. Lajmi i mirë: Nëse nuk i keni pasur ato përpara shtatzanisë, ato me siguri do të zhduken pasi të keni lindur.
Shenjat e strijave: Shenjat që shfaqen gjatë shtatzënisë, zakonisht janë rezultat i gjenetikës. Hidratoni lëkurën për të minimizuar dukshmërinë e tyre.
Dhimbja e shpinës: Ndërsa hormoni i shtatzënisë bën që nyjet të fillojnë të shtrihen dhe barku që rritet tërheq peshën përpara, ju mund të filloni të ndieni dhimbje shpine.
Ëndrra të shumta: Falë hormoneve gjatë shtatzanisë, ëndrrat tuaja mund të jenë më të shpeshta se kurrë, ndërsa jeni afër datës së lindjes. Ato janë normale prandaj merrini me sportivitet.
Ngathtësi: Hormonet tuaja janë në mbivendosje, barku juaj nuk po ju lejon të mbani ekuilibrin dhe kjo është koha kur bëheni më të ngathët.
Mungesa e kontrollit të fshikëzës së urinës: Sa herë tështini nuk mund ta mbani urinën? Në të vërtetë, e gjithë ajo peshë shtesë në legenin tuaj e bën më të vështirë të qëndroni pa urinuar. Për të shpëtuar bëni çdo ditë ushtrimet Kegels.
Rrjedhje nga gjinjtë. Trupi juaj përgatitet për të ushqyer fëmijën.
Gjërat që duhet të keni patjetër gjatë tremujorit të tretë të shtatzënisë: Vajrat hidratues për barkun janë krijuar posaçërisht për të hidratuar lëkurën tuaj. Gjatë shtatzanisë, lëkura rreth barkut tuaj hapet më shpejt se në çdo pjesë të trupit, gjë që mund të sjellë shenja strijash.Vajrat hidratues mund t’i minimizojnë këto shenja.
Ndërsa afrohet dita e lindjes ju mund të përjetoni simptoma false të lindjes.
Barku bie më poshtë: Rreth javës së 36, barku duhet të ulet më poshtë pasi fëmija juaj bie në legenin tuaj.
Shfaqja e gjakut: Kjo mukozë me nuanca rozë ose kafe me gjak është një shenjë e sigurt se lindja po afron.
Tkurrjet e lindjes: Në krahasim me kontraktimet e Braxton Hicks, kontraktimet e lindjes rriten në vend që të zvogëlohen kur lëvizni.
Shpërthimi i ujërave: Kjo mund të mos ndodhë, megjithatë, derisa të shkoni në spital.
Mjeku juaj do t’ju tregojë kur është koha të telefononi ose të drejtoheni në spital.
Nëse, keni ndonjë gjakderdhje të madhe vaginale, një temperaturë mbi 38 gradë, dhimbje të forta në pjesën e poshtme të barkut, shtim të papritur në peshë, shenja të lindjes së parakohshme ose ndonjë shenjë tjetër shkoni menjëherë tek mjeku.
Mbani nën vëzhgim lëvizjet e fetusit. Nga java e 28, ju do të duhet të llogarisni shkelmat e foshnjës rregullisht dhe të vini re çdo ndryshim në aktivitet, veçanërisht gjatë muajit të nëntë.
Kontrolloni peshën tuaj. Fitimi i peshës gjatë shtatzanisë do të rritet me shpejtësi në fillim të tremujorit të tretë dhe do të zvogëlohet kur të afrohet data e lindjes, mund të humbni një ose dy kile. Nëse nuk po fitoni mjaftueshëm (ose nëse keni fituar shumë), punoni me mjekun tuaj për të rregulluar dietën tuaj.
Vazhdoni të lëvizni! Për sa kohë që mjeku ju thotë se gjithçka është në rregull, vazhdoni të lëvizni dhe të bëni ushtrime.
Programoni kontrollet e tremujorit të tretë. Bëni teste për nivelet e glukozës, anemisë etj, në muajt 7 dhe 8. Në muajin 9, mjeku juaj do të kryejë një ekzaminim të brendshëm të qafës së mitrës për të parë nëse ka filluar efikasiteti dhe dilatimi (hapja e qafës së mitrës).
Bëni një vizitë në spitalin ku do të lindni.
Zgjidhni pediatrin e foshnjës tuaj.
Blini veshje për fëmijën.
Përgatituni për të ushqyer me gji. Lexoni më shumë rreth këtij proçesi.
Mësoni për fazat e lindjes dhe përgatituni për to.
Mendoni se si do ta menaxhoni dhimbjen e lindjes.
Së bashku me mjekun vendosni metodën tuaj të lindjes, me epidural, në mënyrë natyrale etj.
Komplikimet në tremujorin e tretë të shtatzënisë mund të jenë të ndryshme dhe duhet të jeni të vëmendshme ndaj simptomave që mund të tregojnë se fetusi dhe nëna janë në rrezik. Ekzaminimet dhe kontrollet janë shumë thelbësorë në këtë periudhë për të parë vazhdimësinë e shtatzanisë dhe kohën e lindjes.
Hipertensioni
Mund të shfaqet për herë të parë në tremujorin e tretë të shtatzënisë, shpesh pa simptoma. Një vlerë e tensionit 140/90 mund të jetë një zile alarmi. Në këto raste është e nevojshme për të kryer disa teste, të tilla si testet e urinës dhe teste specifike të gjakut. Këshilla është monitorimi i presionit të gjakut gjatë shtatzënisë duke e matur atë shpesh.
Pre-eklampsi
Ka të bëjë me një mosfunksionim të placentës dhe karakterizohet nga hipertensioni arterial (presioni i lartë i gjakut). Mund të shkaktohet nga faktorë të ndryshëm, duke përfshirë hipertensionin, obezitetin, diabetin dhe veshkat. Ndër pasojat më të rrezikshme është që mund të ketë shkëputje të plaçentës.
HELLP Sindrome
Kjo është një formë e veçantë pre-eklampsisë që shfaqet në tremujorin e tretë të shtatzënisë ose në javët e para pas lindjes. Simptomat e kësaj sindrome janë dhimbje stomaku e thënë ndryshe “urthi”. Nëse nuk diagnostikohet në kohë, rreziku i dëmtimit të mëlçisë dhe komplikimeve të tjera rritet.
Lexo edhe: Komplikimet dhe rreziqet e lindjes natyrale
Për të lënë një koment ju duhet të jeni regjistruar Identifikohu