X

Kryesore

Kirurgu i dehur në sallën e operacionit: vdesin nëna dhe e porsalindura

Një histori absurde vjen nga India, një histori trishtimi të thellë në atë që duhet të ishte dita më e bukur e jetës për një familje. Jashtë dhomës së lindjes në një qytet në Indi ishte e gjithë familja e Kaminiben Chanchiya, teksa 22 vjeçarja kishte hyrë për të lindur vajzën e saj. Gruaja e kishte dëshiruar thellësisht atë fëmijë, dhe gjithë të afërmit mezi prisnin që foshnja të lindte. Brenda sallës, nga ana tjetër, një tragjedi e vërtetë po ndodhte. Gjatë lindjes, nëna dhe foshnja e saj vdiqën për shkak të kirurgut, i cili ishte paraqitur i dehur në spital.

Mjeku paraqitet i dehur në sallën e operacionit

Kur doktori doli nga dhoma e operimit, të afërmit e vajzës ishin të gatshëm të gëzoheshin me ardhjen e vajzës. Në vend të kësaj, kur dera u hap, familja u përball me fytyrën e shokuar të mjekut, i cili u dha lajmin më të keq që mund të vinte: lindja kishte shkuar keq dhe vajza e vogël ishte e vdekur, ndërsa nëna po dergjej në kushte kritike, me humbje marramendëse të gjakut.

Sapo doktori do kthehej në sallë, një tjetër mjek doli që atje për të dhënë lajmin e kobshëm se edhe nëna kishte ndërruar jetë. Në këtë pikë, dëshpërimi i familjarëve ka arritur kulmin, duke sulmuar mjekët për atë që kishte ndodhur.

Autopsitë në dy trupat

Tragjedia e tmerrshme ndodhi të hënën natën në spitalin Sonaëala në qytetin Botad të Indisë. Doktori është akuzuar për neglizhencë nga të afërmit e nënës së vdekur. Më vonë policia e mori në pyetje dhe e arrestoi. Ndërkohë, priten rezultatet e autopsieve të kryera në trupat e nënës dhe fëmijës, për të kuptuar shkaqet e sakta të vdekjes.

Edhe nëse shkaqet e vdekjes së nënës dhe të fëmijës ishin të tjerë, mbetet fakt që doktori ishte i dehur: nëse do të sihte në gjendje normale mund të ishte përballur me situatën kritike në një mënyrë tjetër dhe ndoshta do të përpiqej t’i shpëtonte të dy.

Lexo edhe: Digjet i porsalinduri ne dushin e pare ne spital

Comments

comments

Loading...
Me shume ne: Nje guide e pergjithshme
aborti, poezi
Në një moment “pa tru”, poezi nga nje nene

Kish' disa muaj pa gjumë Pa ngrënë një gjellë të mirë Me të voglin merrej ditë-natë Në mbrëmje, në të...

Close