Ishte dhjetor 2008 kur Eleonora Gavazzeni erdhi në jetë. Fëmija që nga lindja është tetraplegjike. Mjekët kanë vonuar operacionin cezarian, sepse nëna ishte diabetike dhe për shkak se fetusi ka shfaqur shenja shqetësimi. Kur fëmija lindi më 2 dhjetor të vitit 2008, mjekët e kanë kuptuar se kishin bërë një gabim dhe nga ai moment për familjen filloi një përvojë e hidhur si për shëndetin e vogëlushes edhe për betejën e gjatë ligjore, ku më në fund familja arriti të merrte drejtësinë.
Gjykata ka vendosur në favor të familjes së vogëlushes, duke ju dhënë një dëmshpërblim prej 5 milionë eurosh. Familja do t’i përdorë këto para për të ndihmuar vajzën me kurat që i nevojiten, çdo ditë 24 orë.
Vajza i ka kaluar këto 10 vjet duke shkuar vazhdimisht në spital, ku ka kryer shumë operacione.
Eleonora është në gjendje të vazhdueshme të tensionit muskulor dhe mjekët duhet vazhdimisht të presin tendinat.
“Jemi të kënaqur që pas 10 vitesh jemi në gjendje të vazhdojmë të kujdesemi për vajzën tonë dhe të jemi në gjendje të blejmë një shtëpi të përshtatshme për nevojat e saj”, – tha babai i vajzës.
Edhe avokati i familjes është shprehur i lumtur nga kjo fitore.
Lexo edhe: Digjet i porsalinduri ne dushin e pare ne spital
Për të lënë një koment ju duhet të jeni regjistruar Identifikohu