Që nga format trupore e deri tek rrobat e banjës, familja Kardashian ka influencë të madhe në stilin apo zgjedhjet që bën një pjesë e madhe e shoqërise, edhe pse jo të gjithë e pranojnë këtë gjë. Por faktet tregojnë se influenca e tyre është shumë e madhe dhe “Snapchat” e provoj vetë këtë gjë pasi Kylie Jenner tha se ka hequr dorë prej Snapchat-it. Pas kësaj deklarate vlera e kompanisë në treg ra me 1.3 miljard dollarë. Për shkak të kësaj influence publiku është shumë i interesuar për deklaratën e Khloe Kardashian e cila tha se do të hante plaçentën e bebit të saj.
Mesa duket preferenca për placentë trashëgohet nga familja, pasi në vitin 2015 motra e saj Kourtny Kardashian publikoi në instagramin e saj se po i pëlqenin shumë pilulat me përbërje nga placenta e saj. Por Kourty nuk është e vetmja Kardashian që pëlqen placentën.
Edhe Kim Kardashian West ka bërë të njëjtën gjë duke ngrënë plaçentat e dy fëmijëve të saj North dhe Saint. Kim në një intervistë tha: “Pata një eksperiencë fantastike me pilulat e placentës. Sa herë merrja një pilulë, ndjehesha shumë e qetë dhe plot me energji”.
Ndaj ndjekësit e familjes Kardashian mund të jenë duke menduar a ka ndonjë provë që mbështet pretendimet e tyre për pilulat e plaçentës?
Në fakt pothuajse të gjithë gjitarët në natyrë e hanë plaçentën e tyre pas lindjes por ekspertët nuk e rekomandojnë këtë praktikë për njerëzit. Megjithatë plaçenta e cila mund të jetë element përbëres i pilulave dhe mund të rezistojë deri në 2 muaj, është e pasur me vlera ushqyese dhe pretendohet se mund të lehtësojë pasojat e depresionit paslindjes (post-partum).
Ngrënia e plaçentës ka shumë argumente pro dhe kundra që mund të merren në konsideratë. Ndaj ne rekomandojmë që ju ta bëni zgjedhjen tuaj duke u bazuar në shëndetin tuaj dhe jo duke ndjekur “yjet” e televizionit.
Lexoni dhe: Te hash placenten, nje “mode” teper e rrezikshme!
')}
Për të lënë një koment ju duhet të jeni regjistruar Identifikohu