Kanceri i mushkërive është në rritje në mesin e jo-duhanpirësve, pasi ekspertët paralajmërojnë se mjekët nuk i njohin simptomat.
Zyrtarët e shëndetësisë në Britani kanë paralajmëruar se kjo çështje duhet të marrë sa më shumë vëmendje pasi mijëra njerëz po preken çdo vit nga kanceri i mushkërive edhe pse nuk kanë pirë asnjëherë duhan në jetën e tyre.
Pirja e duhanit mbetet deri tani shkaku më i madh i kancerit të mushkërive, por një në shtatë viktima është jo-duhanpirës, dhe shkencëtarët parashikojnë se brenda një dekade, njerëzit që kurrë nuk kanë pirë duhan do të jenë po aq të prekur sa duhanpirësit.
Ndotja e ajrit nga trafiku dhe mbetjet industriale është shkaku kryesor i kancerit të mushkërive në këtë grup, po ashtu edhe pirja pasive e duhanit (kur rrini në një ambient me ata që pijnë). Ekspozimi ndaj kimikateve në punë mendohet gjithashtu të jetë një faktor.
Ekspertët thonë se kanceri i mushkërive tek ata që nuk kanë pirë kurrë duhan është një ‘sëmundje e fshehur’.
Kjo pasi simptomat diagnostikohen me vonesë, edhe pse zakonisht sëmundja e kancerit të mushkërive tregon fillimisht kollë të vazhdueshme tek ata që nuk e pijnë duhanin.
Për një kohë të gjatë, kanceri i mushkërive është menduar vetëm si një sëmundje e lidhur me pirjen e duhanit. Por rritja e numrit të të prekurve që s’kanë lidhje me duhanin nënkupton nevojën për të rritur ndërgjegjësimin tek mjekët dhe politikëbërësit për faktorët e tjerë të rrezikut, duke përfshirë ndotjen e ajrit të brendshëm dhe të jashtëm.
Ndodh që shumica e njerëzve që kurrë nuk kanë pirë duhan nuk besojnë se janë në rrezik për këtë sëmundje e për këtë arsye diagnostikohen me vonesë e rrjedhimisht marrin trajtim me vonesë.
Lexo edhe: Testi i gjakut mund te zbuloje kancerin e gjirit
Për të lënë një koment ju duhet të jeni regjistruar Identifikohu