Për shumë njerëz, fillimi i ditës nuk mund të jetë ndryshe përveçse me një filxhan kafe, por për foshnjat e parakohshme një dozë kafeine është një mënyrë e mirë për të filluar jetën. Kafeina i ndihmon ata të rikuperohen më shpejt.

Kafeinë për foshnjat e parakohshme

Më parë, një studim i vitit 2014 tregoi se fillimi i terapisë me kafeinë pas 2 javëve të para të lindjes shkurton kohën që foshnjat duhet të përdorin ventilatorë. Nga ana tjetër, kafeina redukton rrezikun e zhvillimit të sëmundjeve kronike të mushkërive të shkaktuara nga dëmtimi i tyre si pasojë e përdorimit të ventilatorit.

Efektet e kafeinës

“Kafeina është ilaçi më i përdorur në kujdesin intensiv për të porsalindurit e parakohshëm. Është e rëndësishme që të kuptojmë efektet afatgjata të kafeinës si një trajtim dhe të sigurohemi që këto foshnje jo vetëm që mbijetojnë, por kanë cilësi jete të mirë më vonë”,- shprhen studiuesit.

Si vepron kafeina

Studimi i ri i botuar në revistën Pediatrics shikon të dhënat e mbledhura nga mijëra të vegjël nga Kanadaja, të cilët ishin trajtuar me kafeinë në ditët e para të jetës. Fëmijët u vlerësuan për aftësitë e tyre gjuhësore, njohëse dhe të zhvillimit motorik. Studiuesit nuk gjetën efekte negative në zhvillimin e trurit, dhe foshnjat e trajtuara me kafeinë në ditët e para të jetës kishin njohuri më të zhvilluara se foshnjat e parakohshme, të cilët kishin marrë më vonë kafeinë.

Kujdes! Vetëm për foshnjat e parakohshme

Studiuesit theksojnë fort se kafeina nuk është për foshnjat e shëndetshme, të cilët nuk vijnë në jetë para afatit të duhur. “Kafeina duhet të përdoret te foshnjat e parakohshme të prirur për të pasur probleme me frymëmarrjen. Në këtë situatë kafeina është ideale, por nuk mund të rekomandojmë që kjo t’u jepet foshnjeve që lindin në afatin e duhur. Ata nuk kanë nevojë për të, madje shkakton çrregullime në gjumë dhe rrit ritmin e zemrës “.

Lexo edhe: Konsumi i tepert i kafeines gjate shtatzanise mund te shkaktoje mbipeshe te femijet