“Mos luaj me ushqimin” është si një rregull i vjetër i tryezës së ngrënies ose “Mos përtyp me gojën hapur”. Por lejimi i fëmijëve të përdorin të gjitha shqisat për të eksploruar ushqime të reja u jep atyre përvoja ushqimore pozitive dhe i inkurajon ata të shijojnë ushqimet për të cilat fillimisht ishin skeptikë.

Në një studim të fundit hulumtuesit nga Finlanda përshkruajnë programe të edukimit ushqimor, të cilat bazohen në zhvillimet shqisore, që janë të zakonshme në kopshtet atje. Programet përfshijnë aktivitete si përgatitja e sallatave, rritja e perimeve në një kopsht ose në dritare, udhëtime në terren për të mbledhur manaferra dhe pjesëmarrja në “sesione ndijore” ku fëmijët prekin, dëgjojnë, shijojnë dhe i marrin erë llojeve të ndryshme të ushqimeve.

Ata zbuluan se fëmijët që morën pjesë në këtë edukim ushqimor zgjodhën më shumë fruta dhe perime se jopjesëmarrësit. Studiuesit thonë se ky edukim ndihmon fëmijët të eksplorojnë ushqimin me të gjitha shqisat dhe e bën ta duan ushqimin.

“Mënyra më e mirë për të ndihmuar fëmijët të ndihen rehat  me ushqimet e reja është përmes lojës ushqimore, në mënyrë që fëmijët të mund të eksplorojnë të gjitha vetitë shqisore të ushqimit dhe të jenë më të rehatshëm se çfarë shije do të ketë përfundimisht në gojën e tyre”, thotë një nga autroet e studimit. “Kjo do të thotë të mësosh me të gjitha shqisat, jo vetëm dukjen”.

Pra, si mund t’i jepni fëmijës tuaj këtë lloj edukimi ushqimor në shtëpi?

Si fillim, lejojini t’ju ndihmojnë me përgatitjen e vakteve. Ata do të mësojnë si duken, si ndihen dhe çfarë ere ka secili ushqim, çfarë ndjesie japin kur priten ose gatuhen.

Çdo metodë që ka në thelb të saj argëtimin është e vlefshme për t’i edukuar fëmijët në lidhje me ushqimin.

Lexo edhe: Femijet qe konsumojne ushqimin e duhur jane me te lumtur