Leximi i etiketës është thelbësor kur blini produkte kozmetike, veçanërisht kur bëhet fjalë për kremrat e diellit, që në SHBA konsiderohen ilaçe për veprimin e tyre për të mbrojtur shëndetin. Blerja e një kremi dielli duhet të jetë një zgjedhje e vetëdijshme pas dedikimit të vëmendjes së duhur në etiketë.

Informacioni që ka rëndësi

Këto janë sugjerimet e Laura Busatës, Specialistes së Kozmetikës. SPF është elementi i parë që merret në konsideratë. Faktori mbrojtës i diellit tregon, në të vërtetë, nivelin e mbrojtjes së një produkti nga rrezet UVB, përgjegjëse për eritemën dhe djegiet: sa më i lartë të jetë faktori mbrojtës, aq më shumë ruhet lëkura. Aktualisht nuk është e mundur të formulohen kremra dielli që sigurojnë mbrojtjen 100% nga rrezet. Ju duhet të konfirmoni që produkti është testuar sipas udhëzimeve të Shoqatës Evropiane të Kozmetikës dhe Parfumerisë) dhe përmban të paktën 1/3 e filtrave UVA në krahasim me filtrat UVB. Kjo është mënyra e vetme për të frenuar këtë lloj rrezatimi i cili, duke arritur në shtresat e thella, shkakton dëme dhe përshpejton procesin e plakjes.

Rezistent ndaj ujit

I papërshkueshëm nga uji është termi që nuk duhet të jetë i pranishëm në kremrat e diellit, pasi që nuk ka asnjë produkt në gjendje të ruajë vetitë e tij të filtrimit në kontakt me ujin. Në etiketë mund të keni vetëm dy fjalë: rezistente ndaj ujit dhe shumë rezistente ndaj ujit, të përcaktuara me anë të testeve të sakta laboratorike. Nëse pas 40 minutash (80 minuta në rast të formulimeve shumë rezistente ndaj ujit) të zhytjes në ujë, faktori mbrojtës është më i madh se ose i barabartë me 50% të asaj që është deklaruar në etiketë, produkti është rezistent ndaj ujit. Në çdo rast, këshilla është gjithmonë që pasi laheni, të aplikoni përsëri krem.

Periudha pas hapjes tregon për sa muaj një produkt mund të përdoret me siguri, pasi ta keni hapur. Zakonisht kremrat e diellit duhet të kenë një periudhë të tillë prej 12 muajsh, periudhë përtej së cilës produkti nuk skadon menjëherë por nuk mund të ketë më efektin mbrojtës të mëparshëm. Që do të thotë të mos përdorni kurrë një krem dielli nga vera e mëparshme ose ta mbani atë për vitin e ardhshëm, sepse efikasiteti i tij mbrojtës ka të ngjarë të jetë më pak se ai i deklaruar në etiketë.

Lexo edhe: Mos e përdorni kurrë këtë krem dielli për fëmijën tuaj