Sharran Sutherland, një grua 40 vjeçare përjetoi ndjenjën e hidhur të humbjes së një fëmije, ende pa e sjellë në jetë. Zemra e vogëlushit të saj kishte ndaluar, prandaj mjekët ishin të detyruar t’ja hiqnin engjëllin që mbante në bark.
Ajo jeton në Shtetet e Bashkuara, aty ku fetusi para javës së 20 të shtatzanisë nuk konsiderohet ende si një fëmijë dhe hiqet si një mbetje spitalore, pa bërë procedurat e varrosjes.
Kjo gjë e lëndoi shumë nënën në pritje prandaj nuk e pranoi që fëmija i saj të hiqej duke u copëtuar, por bëri procedurën njësoj si një lindje normale, vetëm se 145 ditë para datës kur parashikohej se mund të lindte nëse shtatzania e saj nuk do të ishte ndërprerë.
Ajo e mbajti fëmijën në frigorifer për një javë e më pas e varrosi në kopshtin e shtëpisë së saj. Mes dhimbjes e pikëllimit, 40-vjeçarja e ka fotografuar foshnjën e saj të pajetë dhe i ka publikuar fotot duke ndarë bashkë me to trishtimin për humbjen.
Në fotot duket bebi 4 centimetër dhe vetëm 26 gramë me fytyrën, duart, këmbët e thonjë e formuar plotësisht.
Sharran thotë se është “mirënjohëse” që pati shansin për të lindur, për të parë dhe mbajtur në duar fëmijën para se t’i thoshte lamtumirë.
“U habita teksa e shikoja, e mbaja në dorë, ishte formuar në mënyrë të përsosur. Ai kishte gjithçka perfekte veshët, gjuhën, lëkurën, buzët. Kur një grua humbet fëmijën e saj të palindur, ajo nuk mund të brengoset në të njëjtën mënyrë si një grua që i vdes fëmija pas lindjes. Në situatën time është thuajse e pamundur të flasësh për këtë dhimbje. Në këtë situatë dhimbja kalohet vetëm, sepse njerëzit e tjerë nuk e shohin si njeri, si qenie krijesën që ke humbur.
Lexo edhe: Pse u tregova njerezve me shume per humbjen e femijes sesa per shtatzanine
Për të lënë një koment ju duhet të jeni regjistruar Identifikohu