Gjatë muajve të parë të jetës higjiena mund të shkaktojë tek nëna e  re shumë dyshime dhe një prej tyre mund të jetë prerja e thonjve. Thonjtë janë shumë të rrezikshëm kjo pasi bebi i vogël mund të gërvishtë dhe në disa raste edhe të gjakosë fytyrën. Për këtë arsye është shumë e rëndësishme që nëna të presë thonjtë e fëmijës.

Cili është momenti më i mirë?

Këshillohet që t’ja prisni thonjtë fëmijës pasi ka pirë gji kjo pasi gjumi i tij mund të jetë i thellë dhe për pasojë proçesi më i thjeshtë. Këtë mund ta bëni vetëm duke përdorur gërshërën apo limën e posaçme.

Fëmija im fut shpesh duart në gojë, duhet t’ja laj gjithmonë?

Në përgjithësi nevoja për të larë duart e fëmijës lind domosdoshmërisht pasi ai ka konsumuar ushqim, pasi ka qënë në kontakt të gjatë me kafshët, në mbrëmje para gjumit, gjithmonë kur në to shfaqen shenja sekrecionesh (hunde apo goje), gjurmë qumështi. Qëllimi i larjes së tyre është eleminimi i bakterieve të cilat nëse gëlltiten duke vendosur gishtat ne gojë, mund të shkaktojnë probleme shëndetësore. Ndër ta mund të përmendim vezët e okskurieve (parazitë barku).

Detergjenti

Këshillohet që duart e fëmijës të lahen me detergjentin e trupit të tij ose me sapunin marsiglia (gjendet në çdo supermarket). Përsa i përket dizinfektantëve, mund të përdorni një ndërsa jeni jashtë shtëpisë, por asnjëherë në mënyrë të vazhdueshme.

Lexoni edhe: Keshilla per familjen, rendesia e higjienes pas lindjes se nje femije