Qëndrimi në diell për një kohë të gjatë mund të çojë në një mori rreziqesh shëndetësore sidomos në verë, nga dehidratimi, lodhja, ose më keq goditje nga nxehtësia. Natyrisht, ekziston edhe kërcënimi i vazhdueshëm i djegieve nga dielli, përkundër përpjekjeve tuaja për t’u ruajtur me kujdes me kapele, syze dielli dhe krem mbrojtës.

Djegiet e rënda nga dielli mund të rezultojnë në një përvojë shumë të dhimbshme, madje edhe simptoma të ngjashme me gripin. Të gjitha këto simptoma në gjendjen më të rëndë të tyre, mund të quhen: helmimi nga dielli.

Helmimi nga dielli nuk është pikërisht një diagnozë mjekësore, shpjegon Mary L. Stevenson, mjeke dermatologe. Realisht nuk bëhet fjalë për helmim të vërtetë, por është një term që përcakton djegien e rëndë nga dielli.

Nëse jeni shumë të djegur, apo ndryshe të helmuar nga dielli, ja çfarë duhet të dini për mbrojtjen dhe trajtimin e lëkurës suaj.

Simptomat e helmimit nga dielli

Helmimi i diellit ndryshon nga simptomat e një djegieje të zakonshme, pra thjesht skuqje dhe dhimbje në zonën ku lëkura ka qenë e ekspozuar në diell. Por djegiet e rënda nga dielli mund të çojnë gjithashtu në enjtje të zonës së prekur ose simptoma të ngjashme me ato të gripit, siç janë dhimbjet e kokës, ethet ose të përziera. Zakonisht do të ndieni simptomat e një diegieje në kufijtë e normales, brenda pak orësh qëndrimi në diell, por helmimi nga dielli mund të rrijë pa u shfaqur edhe një ditë ose më gjatë.

Si duket helmimi nga dielli?

Përveç dhimbjeve më të forta, ju do të keni edhe flluska në lëkurë. Nëse keni çrregullime të imunitetit ose problematika të lëkurës, mund të përjetoni edhe fotodermatoza, shpërthim të përgjakjeve anormale të lëkurës.

Trajtimi i helmimit nga dielli

Gjëja e parë që duhet të bëni kur vëreni një djegie nga dielli, qoftë kjo e rëndë ose jo, është të mos qëndroni më në diell.

Pastaj, vlerësoni dëmin. Zbulimet ekstreme ose simptomat e dehidratimit kërkojnë një vizitë te mjeku si dhe nëse keni flluska e përgjakje në një pjesë të madhe të trupit tuaj.

Një djegie më e lehtë nga dielli ndoshta është diçka që mund të përballohet në shtëpi. Filloni me dushe të ftohta ose fasha për të ndihmuar në zbutjen e dhimbjeve dhe uljen e temperaturës së lëkurës suaj të djegur.

Përdorni xhel aloe vera, që ju jep ndjesinë e ftohjes duke lehtësuar simptomat. Ibuprofeni gjithashtu mund t’ju lehtësojë dhimbjet.

Si dhe pini shumë ujë, sepse djegiet ju dehidratojnë.

Parandalimi i helmimit nga dielli

Duke marrë parasysh që helmimi nga dielli është djegia në shkallën e saj më të lartë, ju vetëm duhet të ndiqni këshillat standarde të mbrojtjes nga dielli për ta shmangur atë.

Mbuloni lëkurën e ekspozuar me krem me faktor të lartë mbrojtës. Mbroni fytyrën dhe veshët me kapele dhe sytë me syze. Merrni në konsideratë përdorimin e disa veshjeve mbrojtëse, si ato prej pëlhure.

Mos u ekspozoni gjatë në diell ndërmjet orarit 10:00- 16:00.

Lexo edhe: A mund te trajtojme djegien e lekures me shkume rroje?

Sorry, there are no polls available at the moment.

')}