Edhe pak ditë na ndajnë nga fillimi i zbukurimeve festive (data zyrtare 6 dhjetor) dhe sipas ekspertëve fëmijët do të jenë më të lumtur nëse ato vendosen para kësaj date. Është një atmosferë që të gjithë e duam, qyteti dhe shtëpia mbushen plot me drita dhe vendosja e pemës do të jetë një moment tepër argëtues për të vegjlit tuaj prandaj përpiquni ta përfshini edhe atë në këtë ritual.

Sipas një studimi

Steve McKeown, psikolog dhe themelues i “McKeown clinic”, ka shpjeguar se atmosfera e festave të fundvitit duket se i largon të rriturit nga problemet e përditshme dhe i afron më tepër me fëmijët. Kjo gjë i bën tepër të lumtur të vegjëlit. Jo pa qëllim shumë familje fillojnë të zbukurojnë para datës zyrtare shtëpitë e tyre, si një mënyrë për të përjetuar më herët magjinë e Krishtlindjeve apo Vitit të Ri.

Bota është e mbushur me stres dhe ankth, dhe sipas psikologut njerëzit e lidhin periudhën e këtyre festave me lumturinë që ata kanë ndier kur kanë qënë të vegjël, pra festat e fundvitit tregojnë një lidhje të fortë së të gjithë njerëzve me fëmijërinë e lumtur. Zbukurimi i shtëpive perceptohet si një moment që u rikthen atyre lumturinë e përjetuar kohë më parë.

Magjia e festave të fundvitit

Sipas një tjetër studimi të publikuar në “Journal of Environmental Psychology”, vendosja e zbukurimeve jashtë shtëpisë do të ndikojë edhe në mbajtjen e marrëdhënieve të mira mes fqinjëve, ndërsa sipas psikoterapistes Amy Morin, festimet e fundvitit do të shërbejnë dhe si një mënyrë për të kujtuar personat që tashmë nuk janë më mes jush, pra kujtohet koha e kaluar me ta, emocionet që keni përjetuar gjatë kohës që keni kaluar me ta.

Pra magjia e festave të fundvitit është unike, speciale dhe i bën tepër të lumtur edhe fëmijët tuaj!

 

Lexo edhe:

Te kalojme festa te bukura ne Mavrove!

 

')}