Përpara dy javësh e kemi kaluar vajzën 2 vjeçare nga krevati i bebit në një krevat normal. Që atëherë, ajo zgjohet çdo natë në orën 2 dhe fillon të luajë e nuk fle më. Në darkë e vë në gjumë në orën 20:30.
Çfarë mund të bëj?
Është normale që kur fëmijët kalojnë në shtratin e madh të kenë çrregullime me gjumin. Së pari duhet të keni parasysh se kjo është një fazë kalimtare. Së dyti gjatë ditës i flisni më shumë fëmijës suaj për pjesën e gjumit. Tregojini se gjatë natës duhet të flejë, jo të luajë.
Kur vjen momenti i mbrëmjes dhe fëmija zgjohet, duhet të tregoheni shumë të vendosur. Mos u përfshini nga emocionet. Mos i ndizni dritat. Sa herë që fëmija të ngrihet, ju duhet ta vini sërish në gjumë, pa u dorëzuar. Mos i jepni lodra, mos i ndizni televizorin, mos i jepni për të ngrënë. Dalëngadalë ora e brendshme e fëmijës do të normalizohet dhe do të fillojë të bëjë gjumë të rregullt pa u zgjuar natën.
Kur fëmija fle pa ndërprerje, përgëzojeni të nesërmen dhe theksoni se nëse fle do të rritet akoma më shumë.
Lexo edhe: Çfare te bej nese femija refuzon te fleje ne orarin e gjumit?
Për të lënë një koment ju duhet të jeni regjistruar Identifikohu