Noti është një sport që ju bën mirë të gjithëve. Tek fëmijët është mirë që të ushtrohet disa herë në javë pasi i ndihmon ata në forcimin e kockave. Por tek fëmijët autikë uji është pak i rrëzikshëm sepse mund të mbyten.  Kjo është arsyeja thelbësore se pse këta fëmijë duhet të mësojnë të notojnë.

Sipas një studimi amerikan nga Shkolla e Shëndetit Publik në Universitetin Columbia të Nju Jorkut i cili është botuar në Gazetën Amerikane të Shëndetit Publik, shpjegon se mbytja është një nga rreziqet kryesore për fëmijët që vuajnë nga autizmi.  Në Shtetet e Bashkuara, 91% e mbytjeve aksidentale të të miturve kanë të bëjnë me këta fëmijë.  Autorët e këtij studimi analizuan të dhënat nga Sistemi Kombëtar i Statistikave për pasojat e vjekjeprurjeve në Shtetet e Bashkuara, duke shqyrtuar 32 milion certifikata vdekjeje.  Kështu ata identifikuan 1.367 persona me autizëm të cilët vdiqën midis viteve 1999 dhe 2014, nga të cilët 1.043 ishin meshkuj dhe 324 femra.

Trendi i vërejtur ishte se numri vjetor i vdekjeve të autizmit në 15 vjet ishte rritur shtatëfish.

Sipas tyre 28 % e vdekjeve të regjistruara u atribuohen dëmeve të shkaktuara nga aksidentet ose mbytja.  Këto raste përbënin pothuajse 80 përqind të vdekshmërisë totale nga aksidentet tek fëmijët me çrregullime të spektrit të autizmit.

Të notosh do të thotë të mbijetosh

Analiza e të dhënave tregon se fëmijët me autizëm kanë 160 herë më shumë mundësi të mbyten në krahasim me moshatarët që nuk janë autikë.

Arsyeja?

Një nga arsyet është që fëmijët e prekur nga autizmi nuk qëndrojnë në zonat ku ka njerëz por preferojnë vende të qeta. Por kjo është e rrezikshme.  Prindërit duhet t’u mësojnë fëmijëve të tyre të notojnë dhe të jenë të aftë njohin shenjat e ndalimit dhe mbishkrimet “Mos hyni në ujë”.  Duke pasur parasysh rrezikun e lartë të mbytjes që ekziston për një fëmijë autik një kurs noti absolutisht që është shumë i nevojshëm.

Guohua Li, autor i studimit shprehet se, “Kur një fëmijë diagnostikohet me autizëm, zakonisht në mes 2 dhe 3 vjetëve, pediatrit dhe prindërit duhet ta inkurajojnë atë që të regjistrohet në një kurs noti”. Të jesh në gjendje të notosh për fëmijët me autizëm është në fakt një aftësi themelore që ata duhet ta përvetësojnë që mos e gjejnë veten e tyre në rrezik.  Në shumë shtete amerikane, ligji kërkon që zjarrfikësit të jenë të trajnuar për të identifikuar dhe bashkëvepruar me njerëzit autikë, sepse një fëmijë autik ka 50% më shumë gjasa të largohet nga shtëpia e tyre dhe të rrezikojë jeten.

Lexo edhe:Pyetsori i ri qe dallon autizmin

Sorry, there are no polls available at the moment.

')}