Pas rritjeve drastike gjatë dy dekadave të fundit, përhapja e autizmit nuk po pëson më një rritje aq të madhe dhe kjo është shprehur nga një studim i ri i publikuar në “Journal of the American Medical Association”.
Ky është një fakt pozitiv por sipas të njëjtit studim numri i përgjithshëm i të prekurve nga autizmi është më i lartë nga sa mendohej. Ky zbulim i papritur ka ngritur shumë pyetje, përgjigjet e të cilave sipas ekspertëve nuk janë shumë të sigurta.
Ky është një fakt pozitiv por sipas të njëjtit studim numri i përgjithshëm i të prekurve nga autizmi është më i lartë nga sa mendohej. Ky zbulim i papritur ka ngritur shumë pyetje, përgjigjet e të cilave sipas ekspertëve nuk janë shumë të sigurta.
“Në ditët e sotme autizmi nuk është diçka e rrallë”, tha bashkautori i këtij studimi Wei Bao, për “Health Day”. Studime te mëparshme të cituara dhe nga “Centers for Disease Control” e mbështesnin vlerësimin e Wei Bao që numri i të prekurve nga autizmi në ditët e sotme është çuditërisht shumë i lartë megjithatë ka ende disa gjëra që duhen sqaruar në lidhje me përhapjen e pakuptueshme që ka pasur kjo sëmundje në 2 dekadat e fundit. Edhe pse të dhënat tregojnë se përhapja e autizmit është dyfishuar që nga viti 2000, skeptikët argumentojnë se kjo ka ndodhur për shkak se kriteret për diagnostikimin janë zgjeruar si dhe doktorët janë bërë më të zotë në dallimin dhe diagnostikimin e autizmit. Studime të tjera sugjerojnë se rritja e moshës së martesave dhe lindjeve është një nga shkaktarët e përhapjes së autizmit. Disa të tjerë madje besojnë se mund të jetë edhe një kombinim i këtyre faktorëve që kanë shkaktuar këtë rritje drastike të numrit të të prekurve.
Për këtë studim Bao analizoi të dhënat shëndetësore të 30502 familjeve për të bërë një vlerësim të numrit të të prekurve nga autizmi. Numri që ai nxori nga ky studim ishte shumë më i lartë se shifrat zyrtare të dhëna nga “Autism and Development Disabilities Monitoring” të cilët pretendonin se prekja nga autizmi ishte në masën 1.46% . Ndërsa sipas studimit të Bao’s prekja nga autizmi është në masën 2.4%.
Ndërkohë që numri final është shumë i lartë, numri i të prekurve nga kjo sëmundje është rritur vetëm me 0.32% gjatë dy viteve të fundit. Megjithatë studimi nuk tregon se cilët janë shkaktarët për këtë rritje dhe si mund të shmanget. Për të shmangur përhapjen e mëtejshme të autizmit ne duhet të njohim më mirë shkaktarët të cilët nuk janë shfaqur vetëm 3 vitet e fundit por përgjatë gjithë historisë së kësaj sëmundje. Duke pasur parasysh nivelin e uljeve dhe rritjeve të numrit të të prekurve nga kjo sëmundje përgjatë viteve, shkencëtarët do të jenë në gjëndje të zbulojnë dhe shkaktarët.
')}
Për të lënë një koment ju duhet të jeni regjistruar Identifikohu