Një foshnjë është varrosur e gjallë për disa orë, më pas u gjet dhe u shpëtua. Si e shpjegoni këtë?
Një fëmijë i porsalindur mbijetoi pasi u varros e gjallë nga familja e saj për shtatë orë. Vajza indigjene u shpëtua nga policia braziliane në Parkun Kombëtar Xingu në shtetin Mato Grosso, zonë ku jetojnë shumë prej fiseve të vendit.
Zyrtarët e policisë gërmuan në vendin ku gjendej fëmija e zhveshur, me kordonin e kërthizës ende të bashkangjitur, në qytetin e Canaranës. Ata e gjetën foshnjën në një gropë 50 cm.
Gjyshja e vajzës, 57 vjeçare, është arrestuar dhe aktualisht po përballet me akuzën “tentativë për vrasje”.
Familja, të cilët janë anëtarë të fisit Kamayura, i ka tha policisë se foshnja kishte përplasur kokën në dysheme pasi nëna e saj 15-vjeçare e lindi. Ata u shfajësuan duke thënë se e dinin vajzën të vdekur meqë nuk po reagonte dhe e kishin varrosur në përputhje me zakonet vendëse.
Por policia ka ende dyshime për shkak të moshës së nënës adoleshente dhe sepse babai i foshnjës kishte refuzuar ta njihte vajzën si fëmijën e tij.
Pasi e shpëtuan, vajza u dërgua menjëherë në kujdesin intensiv për të porsalindur në Spitalin Boa Agua me hipotermi dhe probleme frymëmarrjeje.
Tani ajo është marrë nën kujdes nga shteti.
Nëna dhe gjyshja e foshnjës u arrestuan, por pas disa procedurave tani janë të lira.
Lexo edhe: Aksident rrugor, gruaja vdes pasi lind vajzen/ FOTO
Për të lënë një koment ju duhet të jeni regjistruar Identifikohu