Aksident rrugor, gruaja vdes pasi lind vajzën/ FOTO

Një histori e pabesueshme, e mbushur me dhimbje, por edhe me gëzime, i ka ndodhur një nëne në Brazil. Gruaja, shtatzënë në javën e 39-të, po udhëtonte në një kamion me dërrasa druri, kur shoferi i automjetit humbi kontrollin.

Kamioni përfundoi jashtë rrugës duke u përfshirë kështu në një aksident. Për pasojë, gruaja u zhyt në dërrasat prej druri që gjendeshin në kamion.

Fakteqësisht ajo ka humbur jetën, por përpara se të ndodhte fundi fatal i saj, ajo ka lindur të bijën. Vajza u gjet nga ekipi i shpëtimit disa metra larg trupit të nënës së pajetë. Gjatë aksidentit kordoni i kërthizës u ndërpre dhe lejoi që vajza të shkëputet nga trupi i gruas. Për fat të mirë, fëmija nuk vuajti ndonjë dëm, edhe pse kur arritën në vendin e ngjarjes, shpëtimtarët menjëherë e transferuan atë në spital.

E porsalindura iu nënshtrua kujdesit intensiv dhe tani gëzon shëndet të plotë. Gruaja nuk kishte mjete identifikimi me vete, prandaj policët dhe punonjësit socialë po punojnë për të gjetur familjarët e foshnjës. Nëse nuk gjejnë të dhëna, fëmija do të përfundojë në jetimore.

“Është e pabesueshme kjo që ka ndodhur. Nuk ka asnjë shpjegim tjetër sesi fëmija mrekullisht u shkëput nga trupi i nënës përpara se ajo të ndërronte jetë, ishte Zoti” , – kanë thënë mjekët.

Ekipi i spitalit i vuri vajzës emrin Giovana, që do të thotë “e mbrojtur nga Perëndia”.