Facebook ka prezantuar një aplikacion të ri për mesazhet, i dizenjuar në mënyrë specifike për fëmijët. Messenger Kids është një aplikacion i veçantë për fëmijët i cili është në dispozicion sot për përdoruesit e I’OS në SHBA dhe ky aplikacion ofron çatim të kontrolluar nga prindërit për fëmijët nga 6 deri në 12 vjeç, moshë e cila nuk është e përshtatshme pr përdorimin e Facebook dhe rrjetet e tjera sociale. Por ky aplikacion i ri nuk ka nevojë që fëmijët të kenë në llogarinë në Facebook për tu bërë pjesë e tij. Këtu janë disa gjera që duhet të dini rreth këtij aplikacioni.
Prindërit kanë kontroll mbi aktivitetin e fëmijës
Në Messenger Kids prindërit duhet t’i aprovojnë kontaktet e fëmijëve përpara se ata të mund të çatojnë me dikë. Mesazhet nuk do të zhduken kurrë, dhe nuk mund të fshihen siç ndodh në aplikacionin normal të messenger. Me fjalë të tjera është krejtësisht transparent duke qënë se ju tregon se çfarë mesazhesh po shkëmben fëmija juaj dhe me kë po i shkëmben ato. Gjithashtu prindërit dhe fëmijët mund të bllokojnë këdo me të cilin nuk duan të flasin edhe pse kontakti mund të jetë aprovuar më parë nga prindërit.
Disa sisteme sigurie janë të automatizuara
“Messenger kids” ka një sistem sigurie të posaçëm që ndalon imazhet apo tekstet me përmbajtje të papërshtatshme që shfaqen në këtë aplikacion. Një zëdhënës për shtypin i Facebook deklaroi se: “Ne kemi krijuar një program të automatizuar që zbulon gjëra si nudizmi, dhuna dhe imazhe të tjera të papërshtatshme e gjithashtu kemi një sistem shumë të mirë raportimi dhe një personel njerëzor i cili do të rishikojë të gjitha raportimet dhe më pas të marrë masat e duhura.
Për momentin nuk e limiton kohën e përdorimit tek fëmijët.
Për momentin “Messenger kids” nuk i lejon prindërve të kontrollojnë kohën që fëmijët shpenzojnë në këtë aplikacion, por kjo mund të bëhet e mundur me zhvillimin e mëtejshëm të aplikacionit. Duke qënë se shumë fëmijë kalojnë një kohë të gjatë online duke i shkaktuar vetes probleme të ndryshme shëndetësore, Facebook e ka marr parasysh këtë fakt dhe po mendon të shtojë një opsion për limitimin e kohës në këtë aplikacion.
Për mometin Mesenger kids mund të gjendet vetëm në SHBA për përdoruesit e platformës I’OS por së shpejti do të dalë dhe versioni Android dhe më pas do të mund të përdoret në të gjithë botën.
lexoni dhe:You Tube masa te reja sigurie per te bere nje mjedis te sigurt per femijet
')}
Për të lënë një koment ju duhet të jeni regjistruar Identifikohu