Të mbajmë fëmijët larg mjediseve me përmbajtje të pa përshtatshme të internetit ka qenë një shqetësim i vazhdueshëm për prindërit, edhe kur kjo përmbajtje ishte thjesht një tekst jeshil në një ekran të zi. Ndërsa interneti zhvillohet dhe zgjerohet dita ditës e njëjta gjë ndodh dhe me shqetësimin e prindërve në lidhje me ekspozimin e fëmijëve të tyre në internet. Edhe sajtet që janë ekskluzivisht për fëmijët janë bërë pre e komenteve me përmbajtje të papërshtatshme kohët e fundit. Madje dhe dega e You Tube, posaçërisht për fëmijët ” You Tube Kids” pronë e Google, që supozohet të ketë vetëm video me përmajte që janë miqësore ndaj fëmijëve ka ngritur alarmin, pasi janë gjetur me dhjetëra video që i kanë shpëtuar filtrave të kompanisë dhe janë bërë pjesë e sajtit të tyre.

Në një deklararatë të lëshuar në blogun e tyre lidhur me këto video që ngarkohen në sajtin e tyre duke pretenduar se janë miqësore me fëmijët dhe nuk kanë asnjë përmbajtje të papërshtatëshe, Juniper Downs, drejtori i sigurisë së You Tube tha:- “Ne jemi duke punuar për një sistem të ri sigurie që do ta bëjë përmbajtjen e sajtit tonë të parrezikshëm për sytë kureshtar të fëmijëve. Me aplikimin e këtij sistemi të ri të gjitha videot do të jenë të përshtatshme për fëmijët e për të gjithë familjen. Të gjitha videot që do të vlerësohen me përmbajtje të papërshtatshe do të ndalohen menjëherë nga filtrat e programit të ri.”

You Tube ka deklaruar gjithashtu se do të marrë masa të tjera lidhur edhe me reklamat apo me komentet e papërshtatshme që bëhen në këto video. Juniper Downs deklaroi gjithashtu se synimi i kompanisë është që të largojë shqetësimin e prindërve lidhur me përmbajtjet e papërshtatshme që mund të ketë ky sajt që supozohet të jetë miqësor ndaj fëmijëve.

Ndërkohë që masat e marra nga You Tube janë një hap përpara në drejtimin e duhur, është përgjegjësia e prindërve që të monitorojnë fëmijët dhe të sigurohen që asgjë e papërshtatshme të gjej rrugën deri në ekranin e kompjuterit të tyre.

Lexon dhe:Si ta beni internetin nje mjedis te sigurt per femijen tuaj  

')}