Ushqyerja me gji është një nga ekpseriencat më të bukura gjatë rritjes së fëmijës, por jo të gjitha nënat e përjetojnë njësoj. Ky është edhe rasti i nënës së dy djemve, e cila kur ka ndërprerë gjidhënien e fëmijës së dytë ka bërë një postim në instagram ku është treguar shumë e sinqertë me ndjekësit e saj.
“Uroj që kurrë të mos e kisha ushqyer me gji fëmijën tim. Tri javë pasi kam ndërprerë gjidhënien ndihem njeri më i mirë, nënë më e mirë, bashkëshorte më e mirë. Kam më shumë kohë për djalin tjetër, kam më shumë energji. Nuk di ta shpreh me fjalë sa shumë më rifreskon fakti që po tregohem kaq e siqertë në lidhje me ndalimin e ushqyerjes me gji. Tani nuk kam më frikë të dal publikisht. E di që do të ketë shumë komente negative, por mendoj se është e rëndësishme që nënat të kuptojnë se kanë mundësi zgjedhjeje. Ka shumë mënyra për të qenë një nënë e mirë. Por ajo që shumë nëna harrojnë është se ka shumë rëndësi që nëna të jetë e lumtur”.
Ajo ishte shumë e përgatitur të priste një lumë komentesh negative, por për habinë e saj ka ndodhur e kundërta. Shumë nëna janë bashkuar me mendimin e saj, duke e falënderuar për sinqeritetin dhe kurajon që atyre u ka munguar.
“Faleminderit për këtë postim. Që kur isha shtatzanë unë kam menduar se e vetmja mundësi ishte të ushqeja fëmijën me gji. Por nuk ishte aq e thjeshtë, nuk ndihesha e lumtur. Isha e tensionuar. Të paktën nuk jam vetëm. Faleminderit”, – ishte një nga komentet.
“Njësoj jam ndjerë dhe unë. Ndërprerja e gjidhënies ishte vendimi më i mirë që mund të merrja për familjen”, – ka komentuar një tjetër nënë.
Të gjitha nënat duhet të besojnë instiktet e tyre kur bëhet fjalë për ushqyerjen e foshnjave. Ushqyerja me gji ka absolutisht efektet e saj pozitive, por jo domosdoshmërisht është opsioni më i mirë për çdo nënë.
Lexo edhe: Ushqyerja me gji/ duhet te respektohet cdo vendim dhe zgjedhje qe ben nena
Për të lënë një koment ju duhet të jeni regjistruar Identifikohu