Mund t’ia vini fajin nevojës për të përgatitur dhomën, rrobat dhe lodrat e bebes, por shumë prindër zgjedhin të marrin vesh gjininë e bebes gjatë shtatzanisë, sesa të presin surprizën ditën e lindjes. 50-70% e prindërve të rinj e zgjedhin zbulimin e gjinisë para lindjes dhe këto numra sa vijnë e po rriten.
Djalë apo vajzë? Si të kuptojmë gjininë e fëmijës?

10 mënyrat për të kuptuar gjininë e fëmijës suaj:

Ekografia

Përmes saj prindërit kanë një imazh të qartë të bebes, dhe është mënyra më e saktë për të kuptuar gjininë e fëmijës. Ndodh që mos të kuptohet me këtë metodë kur fëmija juaj po tregohet ‘i turpshëm’ dhe qëndron në një pozicion të vështirë për të kuptuar gjininë.

Ekot që bëhen gjatë javëve të 18 dhe 26 kanë probabilitetin më të lartë për të qënë të vërteta.

Grafikët kinezë për gjininë e bebes

Legjenda thotë se këto grafikë janë 700 vjeçarë dhe kanë një propabilitet 90% saktësie nëse përdoren siç duhen. Gjinia e fëmijës suaj parashikohet bazuar në muajin e ngjizjes dhe në ditëlindjen e nënës, të dyja datat duhen të shprehen me kalendarin hënor kinez.

Rrahjet e zemrës

Kjo mënyrë parashikimi bazohet në teorinë se rrahjet e zemrës së djemve dhe vajzave ndryshojnë që në bark të nënës. Një bebe me rrahje zemre më pak se 140 në minute është djalë, ndërsa nëse e kalon 140 rrahje për minutë është vajzë. Por kësaj metode i mungon mbështetja shkencore.

Prova me unazën e martesës

Ky lloj parashikmi mbështetet në një proçedurë. Vendosja e unazës së martesës në një fije floku. Mbajtja e unazës që lëkundet sipër barkut të nënës shtatzanë kur ajo është e shtrirë. Nëse unaza lëkundet para dhe mbrapa është djalë, ndërsa nëse unaza rrotullohet është vajzë.

Testi i gjinisë Draino

Edhe pse ky test ka shumë kohë që është zbuluar, nuk u rekomandohet nënave shtatzana për shkak te gazrave toksik. Ky test kryhet duke kombinuar një kristal draino me urinën e nënës. Do të ndodhi një reaksion kimik, nëse përbërja është kafe e errët është djalë, nësë përbërja nuk ndryshon ngjyrë është vajzë.

Nëse barku është lart apo poshtë, disa njerëz besojnë se mund ta kuptojnë gjininë e fëmijës vetëm duke parë barkun. Nëse barku është i vendosur lart fëmija është vajzë, nëse barku është poshtë bebja është djalë. Por kjo teori është vështirë të përcaktohet pasi nenat kanë struktura të ndryshme trupash, peshë dhe gjatësi si dhe pozicioni në të cilin është bebja.

Të përzierat në mëngjes

Supozohet se të perzierat janë më të shpeshta dhe më të rënda nëse pret një vajzë, pasi sipas teorise trupi juaj ka dyfish hormone që ju bëjnë të ndieni përzierje të rënda.

Pesha e bebit

Një tjetër metodë për të kuptuar gjininë e bebes qëndron vetëm duke parë trupin e nënës. Nëse pesha e bebit ju shkon në vithe atëherë është vajzë, nese bebja është djalë pesha qëndron në bark. Konkursi për të gjetur gjininë, përqëndrohet tek fakti se janë vetëm dy mundësi- vajzë ose djalë, pra prindërit kanë një probabilitet 50% për të qenë të saktë. Kjo metodë ka rezultuar 71% e saktë.

Amniocentesis dhe cvs janë dy teste që mund të kryhen gjatë shtatzanisë nëse bebja juaj konsiderohet të jetë e rrezikuar ndaj sëmundjeve gjenetike apo çiftimit jo të saktë të kromozomeve. Të dy këto teste janë 99% të saktë për gjetjen e gjinisë së bebes suaj, por nuk janë teste për këtë gjë, pasi janë me një rrezikshmëri të lartë.

Lexo edhe: Ekografite ne shtatzani, kur zbulohet gjinia e femijes?
')}