Të vjellat janë një shqetësim që shfaqen gjatë trimestrit të parë si pasojë e ndryshimit hormonal, simptomat e këtij shqetësimi fillojnë të reduktohen gjatë trimestrit të dytë.

Si të trajtojmë të vjellat? 

• Mos qëndroni për një kohë të gjatë me stomak bosh. Konsumoni shpesh diçka dhe mbani gjithmonë me vete një kraker apo banane.
• Konsumoni ushqime që përmbajnë shumë pak ose aspak erëza.
• Konsumoni fruta dhe perime pasi kanë fibra. Nëse do të vuani nga konstipacioni edhe ndjesia e të vjellave do të shtohet.
• Xhinxheri është një aleat kundër të vjellave i cili mund të merret në forma të ndryshme.
• Një sasi e vogël çaji mente mund t’ju bënte të ndiheshit më mirë.
• Nëse keni mundësi të bleni në farmaci një byrzylyk kundër të vjellave do të ndienit një lehtësim të madh. Bëhet fjalë për një fashë cope me një top plastiku brenda të cilat kanë të njëjtin efekt më agopunkturën. Nuk kanë efekte anësore dhe mund të mbahen 8-10 orë në ditë.
• Agopunktura është gjithashtu një metodë mjaft efikase. Ajo mund të aplikohet me anën e dy seancave në javë (rreth 30 minuta secila). Shpesh mjaftojnë 2 javë terapi për të zgjidhur këtë problem.

Lexoni edhe: Kur fillojnë të vjellat e mëngjesit