Origjina e pemës së Vitit të Ri është disi e paqartë, megjithatë ka disa histori të ndryshme në lidhje me këtë.

Sipas librit të Fabiola Marchet “Leggende e superstizioni svelate”…

• Pema e parë mendohet se është përdorur në kohën e Egjiptit të lashtë, por nuk bëhej fjalë gjithsesi për një pemë të mirëfilltë. Bëhej fjalë për një piramidë druri të mbuluar nga një disk diellor. Një burrë (të dhënat e tij nuk dihen) u mahnit nga kjo piramidë dhe mendoi të sillte një prototip edhe në Europë. Në disa vende si ato gjermanike dhe skandinave, ky objekt u përdor si një simbol i ekuinoksit dimëror dhe për pasojë edhe e festimeve që zhvilloheshin në atë kohë. Disku diellor ju kujtoi atyre diellin, i cili në dhjetor do të ishte më i dukshëm duke e bërë ditën disi më të gjatë. Kjo është një nga historitë që lidhen me traditën e vendosjes së pemës, e cila ndryshoi vazhdimisht deri në ditët tona.
• Pema e parë e vërtetë u dekorua në vitin 1605 në një park në Strazburg. Fillimisht mendohet të jetë zbukuar me mollë dhe ëmbëlsira nga tavolinat e festimeve të asaj kohe. Një tjetër legjendë e lidh përdorimin e pemës së parë të vërtetë me zbukurimin për herë të parë nga një dukeshë gjermane dhe kjo daton në vitin 1611.
• Popujt antikë e adhuronin bredhin dhe e përdornin shumë gjatë festave duke qënë se qëndronte gjithmonë jeshil dhe për pasojë simbolizonte jetëgjatësinë. Madje u arrit të mendohej nga Vikingët se kishte fuqi magjike duke qënë se nuk i humbnin gjethet edhe në temperatura të ulëta.

Pra ka histori të ndryshme në lidhje me këtë rit të bukur, me të cilin gëzojnë jo vetëm fëmijët por edhe ne të rriturit.

Lexo edhe:

Bakllavaja turke

 

')}