Të gjithë fëmijët e duan këtë figurë e madje i presin me padurim dhuratat apo historitë që kanë lidhje me të. Edhe pse prindërit përpiqen ta fshehin sa më mirë këtë “gënjeshtër të bardhë” (gënjeshtër e padëmshme), mund të ndodhë që në një moment fëmija e kupton se ai nuk ekziston. Nga ana tjetër prindërit ndihen keq që e kanë genjyer fëmijën ndërsa ai tani vuan.
Si duhet të veprojmë në këtë rast? Deri në cilën moshë duhet të vazhdojmë gënjeshtrën?
Deri në vitin e 4-5 të jetës fëmijët besojnë verbërisht tek ekzistenca e tij, më pas ata mund të kuptojnë se ai është një personazh që i përket fantazisë. Kjo mund të ndodhë pasi fëmija fillon të shikojë llastikun tek mjekra e tij, apo madje mund të kuptojë se edhe vetë mjekra është fallco. Mund të ketë shumë mënyra që e zbulojnë të vërtetën, por ndonjëherë fëmija mund të mos ndihet gati për këtë dhe zhgënjehet së tepërmi. Gjithsesi ju nuk keni pse t’ja tregoni nëse ai nuk e zbulon vetë, dhe nëse është i aftë ta bëjë këtë do të thotë që e kupton që realiteti është një tjetër.
Sipas disa studimeve, në disa raste mund të ndodhë që fëmija të mos ndihet i gënjyer duke qënë se mund ta perceptojë këtë figurë si pjesë të fantazisë dhe jo si një gënjeshtër të vërtetë. Kështu shprehet psikologia Jacqueline Woodeey nga Universiteti i Texas. Në një moshë të caktuar (pra kur fëmija është disi më i rritur), kjo do të shërbejë si një mënyrë për të “stërvitur” logjikën e fëmijës dhe aftësinë e tij për të arsyeruar. Pas vitit të pestë të jetës ai do të jetë në gjendje të përceptojë më mirë idenë e babagjyshit duke qënë se do të ketë filluar të luajë edhe me lojëra të tipit “do të bëj sikur”… (do të bëj sikur laj rrobat, do të bëj sikur kukulla po shkon të treg etj), pra janë në gjendje të kuptojnë imagjinatën nga realiteti.
Por e dini se jo të gjithë e mendojnë në këtë mënyrë? Për shembull profesori dhe filozofi David Kyle Johnson, shprehet se babagjyshi është një gënjeshtër e panevojshme që i tregohet fëmijëve. Sipas tij jo vetëm që fëmija humb besimin tek prindi, por në disa raste mund të shkaktoheshin edhe trauma.
Lexo edhe:
')}
Për të lënë një koment ju duhet të jeni regjistruar Identifikohu