Mishrat e shëndetshëm të dhëmbëve nuk kanë gjakderdhje, as probleme që lidhen me përtypjen dhe ënjtje. Inflamacioni i tyre kurrë nuk duhet të nënvlerësohet, sepse nëse neglizhohet, kjo mund të çojë në sëmundje serioze. Përveç higjenës së mirë të gojës, për më tepër, një dietë e shëndetshme dhe e balancuar do të përmirësonte shanset për të pasur mishra të shëndetshëm.

Dietë e shëndetshme si një kurë

Për të konfirmuar këtë, është bërë një studim i udhëhequr nga Johan Wölber, i Qendrës për Mjekësi Stomatologjike në Universitetin e Freiburgut, Gjermani. Studimi krahasoi efektet për mishrat e shëndetshme të një diete të pasur me fruta dhe perime, omega 3 dhe konsum të reduktuar të karbohidrateve. Grupi  tjetër ka vazhduar të ndjekë një dietë “perëndimore”, e karakterizuar nga konsumi i lartë i sheqerit dhe yndyrave të ngopura dhe një preferencë të fortë për proteina shtazore. Përveç udhëzimeve të ushqimit, ekspertët u kërkuan të gjithë pjesëmarrësve të mos përdorin fill dentar.

Acarimi i mishrave reduktohet me 40%

Pas katër javësh, shkencëtarët krahasuan parametrat klinikë periodontale me ato të marra në fillim të studimit. Rezultati ishte shumë pozitiv për pacientët të cilët kishin ndjekur një dietë të shëndetshme: acarimi i mishrave, në fakt, u zvogëlua për 40%. Prandaj, përveç higjienës së mirë orale, dentistët, sipas autorit kryesor të studimit, duhet të rekomandojnë një ndryshim në zakonet e të ngrënit.

Ta dini

Zakonet ushqimore krijojnë mbrojtje imune të trupit edhe në nivelin oral.

Lexo edhe: Çfare duhet te hame qe te kemi mishra dhembesh te shendetshem

')}