Një dietë e shëndetshme e bazuar në fruta dhe perime, drithëra, reduktim të sheqerit, kripës dhe mishit të përpunuar ka një efekt anti-plakje, veçanërisht për gratë. Ky është konkluzioni nga një grup studiuesish nga Shkolla e Shëndetit Publik në Universitetin e Miçiganit në një studim të botuar kohët e fundit në revistën shkencore American Journal of Epidemiology.
Hulumtime mbi kromozomet
Pika fillestare e studimit ishte analiza kromozomike e një mostre prej pothuajse 5.000 njerëzve. Në veçanti, u studiuan pjesët përfundimtare të kromozomeve: telomeret, pjesë të vogla të ADN-së. Përveç mbrojtjes së stabilitetit të kromozomeve, telomerët përfaqësojnë një indeks të plakjes qelizore, sepse ato shkurtohen ndërsa mosha kalon, por edhe për shkak të faktorëve të sjelljes, mjedisit dhe psikologjisë.
Shqyrtimi i dietave të ndjekura
Hulumtuesit shqyrtuan gjithashtu dietat e ndjekura nga pjesëmarrësit në studim. U zbulua se rezultatet më të larta në indekset ushqyerjes së shëndetshme ishin të lidhura dukshëm me telomere më të gjata. Pra, me një proces të ngadalësuar të plakjes. Prandaj, përfundimi është se edhe një dietë e duhur mund të ketë një efekt anti-plakje. Sipas autorëve të studimit, dietat antioksiduese dhe anti-inflamatore do të krijonin një mjedis biokimik të favorshëm për telomerët dhe kjo mund të ndihmojë në mbajtjen e qelizave të shëndetshme dhe në shmangien e sëmundjeve kronike. Në të kundërt, telomerët e shkurtra janë shoqëruar me një rrezik në rritje të sëmundjeve të zemrës, diabetit dhe llojeve të caktuara të kancerit.
Më shumë përfitime për gratë
Rezultatet e arritura nga burrat nuk kanë qenë statistikisht të rëndësishme, ndoshta sepse në përgjithësi ata kanë tendencë të kenë një cilësi më të ulët të dietës sesa gratë për shkak të një konsumimi më të lartë të pijeve me sheqer dhe mishit të përpunuar.
Ta dini!
Kromozomet janë struktura të formuara nga acidi dezoksiribonukleik (ADN) të pranishme në të gjitha qelizat e organizmave të gjallë në tokë. Detyra e tyre është të transmetojnë trashëgiminë gjenetike të një organizmi. Numri i kromozomeve është karakteristik për secilën specie: njeriu ka 46, të ndarë në çifte homologësh.
Lexo edhe: Caji jeshil, 5 perfitimet qe keni nga konsumi i tij
Për të lënë një koment ju duhet të jeni regjistruar Identifikohu