Kur dalin dhëmbët e parë tek fëmija?

Në përgjithësi shfaqen dhëmbët inçizivë të poshtëm (rreth muajit të 6-7), të cilët pasohen nga inçizivët e sipërm (rreth muajit të 8-9), më pas shfaqen incizivët lateralë të sipërm (rreth muajit të 10-11). Përsa ju përket dhëmbëve molarë duhet të prisni që fëmija të shkojë 14-18 muajsh, dhe pas muajit të 18-të shfaqen edhe dhëmbët kaninë të parë. Rreth muajit të 24-30 kompletohet goja e fëmijës me dhëmbë, ku të fundit shfaqen molarët sekondarë. Duke qënë se fëmijët nuk janë të njëjtë, tek disa mund të dalin në fillim dhëmbët e sipërm, dhe në këtë rast nuk duhet të shqetësoheni. Gjithsej dhëmbët e qumështit janë 20.

Si të luftojmë shqetësimet e daljes së dhëmbëve

Në këtë moment mund t’ju vijë në ndihmë paracetamoli (takipirina), i cili është një medikament që mund të qetësojë shumë dhimbjet e fëmijës. Gjithashtu mund të përdorni edhe medikamente lolake me efekt qetësues të cilat mund të aplikohen tek xhinxhivat e fëmijës. Nuk duhet në asnjë mënyrë të fërkoni xhinxhivat me anën e alkoolit apo substancave të tjera të cilat mund të jenë helmuese për fëmijën, por mund t’i fërkoni ato me anën e gishtit tuaj i cili duhet të lahet më parë. Një tjetër zgjidhje do të ishte edhe diçka e ftohtë (për shembull një lodër plastike e posaçme, një ushqim apo pije e ftohtë). Mos harroni që në këtë periudhë ta mbani fëmijën sa më pranë vetes por pa e ekzagjeruar. Nëse gjatë gjumit ai qan, prisni për të parë nëse ka nevojë të ndërhyni apo do të vetëqëtesohet brenda pak sekondave (mund të ndodhë që fëmija të qajë në gjumë dhe të pushojë për pak sekonda).

Lexoni edhe: Dhembet e pare te bebes, shtate faktet qe duhet te dini