Sipas mjekut Antonio Sacchiero të gjithë prindërit duhet të njihen sa më shumë me xhinxhivitin, i cili është një problem tek xhinxhivat e fëmijës dhe që mund ta prekë atë edhe më moshë të vogël. Në përgjithësi është një patologji me origjinë bakteriale dhe krijon plagë në zonën e mukozave të gojës.

Përse shkaktohet xhinxhiviti?

Kjo patologji është me origjinë bakteriale, ku bakteriet shumohen si pasojë e akumulimit në këtë zonë të gojës së një sërë ushqimeve. Më pas ato kthehen në burim bakteriesh. Gjithashtu mund të shkaktohen edhe nga mungesa e vitaminës C dhe B në ushqime, marrja e disa medikamenteve etj. Një rol të rëndësishëm luan edhe faktori gjenetik.

Cilat janë simptomat?

• Gjakosje të xhinxhivave;
• Fryrje;
• Largimi i xhinxhivave nga dhëmbët;
• Aromë e keqe e gojës.

Si duhet të trajtohen?

• Higjena e mirë është shumë e rëndësishme. Kjo do të jetë një formë për të parandaluar gjakosjen dhe fryrjen e mishrave të dhëmbëve. Pasi fëmija konsumon ushqim duhet të lajë dhëmbët dhe nëse nuk ka ende asnjë dhëmb t’i pastrohen xhinxhivat me një garzë me ujë.
• Fëmija duhet të ushqehet shëndetshëm. Nuk duhet të konsumojnë ushqime me sheqer apo kekë dhe biskota industrial. Dieta duhet të përmbajë sa më shumë vitamina dhe sidomos vitaminën C.
• Duhet të konsumojë një caj malve (lule) e cila qetëson xhinxhivat e gjakosura. Idealja do të ishte të konsumohej në darkë.