Askush nuk mund t’i përgjigjet kësaj pyetjeje më mirë se vetë ju, megjithatë përpara se të lindni fëmijën e  dytë, duhet të merrni në konsideratë disa faktorë.

Disa çifte preferojnë të presin disa vjet derisa të bëjnë një vëlla ose motër për fëmijën, ndërsa disa të tjerë mendojnë që fëmijët të mos kenë shumë diferencë me njëri-tjetrin, në mënyrë që t’i kalojnë bashkë fazat e rritjes.

Sa i përket ndikimit që do të ketë tek fëmija i parë, disa psikologë këshillojnë që fëmija i dytë të lindë kur i madhi është një, ose më shumë se 4 vjeç. Kur fëmija është një vjeç, ai ende nuk e ka ndjesinë e autonomisë dhe e ka më të lehtë të pranojë dikë tjetër, ndërsa kur i ka kaluar katër, e ka marrë vëmendjen e nevojshme dhe është më i përfshirë në angazhime të tijat.

Ndërsa lidhur me shëndetin e nënës, nuk është mirë që të lindë në kohë shumë të shkurtra nga njëra-tjetra, sepse trupi i saj ka nevojë të rimarrë veten nga njëra lindje në tjetrën.

Përveç këtyre faktorëve, duhet të merrni në konsideratë edhe :

Stilin e jetesës

Si është marrëdhënia juaj me fëmijën e parë, sa të disponueshëm jeni për t’ju përkushtuar etj.

Situata financiare

Fëmijët kanë shumë shpenzime, sidomos kur bëhen dy në familje. Sigurohuni mirë që i keni mundësitë për të rritur dy fëmijë.

Mosha juaj

Nëse jeni 38 vjeçe ose më shumë, ju nuk keni mundësi të lindni fëmijë me shumë diferencë nga njëri-tjetri. Nëse jeni më e re, ky faktor është në favorin tuaj.

Partneri

Për të sjellë në jetë një fëmijë, duhet dëshira e të dy prindërve. Duhet të jeni në të njëjtin mendim me partnerin për të marrë këtë vendim.

Zemra

Ky është një nga ato vendime që udhëhiqet nga zemra. Nëse ju së bashku me partnerin e dëshironi diçka të tillë, dëgjoni zemrën tuaj.

Lexo edhe: Kur vjen ne jete femija i dyte

Sorry, there are no polls available at the moment.

')}