Djathi është një ushqim shumë i rëndësishëm për zhvillimin e fëmijës, kjo pasi ai përmban një sasi të konsiderueshme kalçiumi, mineral shumë i rëndësishëm për kockat dhe dhëmbët e fëmijës.
Por, cili është djathi i duhur për beben?
- Në fazën e hershme të ushqyerjes së fëmijës me ushqime të ngurta mund të shtoni një lugë djathë parmixhan të grirë në supën e fëmijës, e cila mund të përbëhet nga drithërat apo pureja e perimeve.
- Në fazën e dytë të ushqyerjes me ushqime të ngurta, e cila përkon me vendosjen e darkës në regjimin ushqimor të fëmijës, mund të filloni të përdorni djathin e freskët ose djathin e butë që nuk përmban kripë dhe yndyrna. Në këtë periudhë mund të përdorni djathë të shkrirë të posaçëm për bebe por edhe djathë të freskët i cili ka kaluar një proçes të kontrolluar gjatë prodhimit. Ndër djathërat e freskët që mund të përdorni janë: djathi mocarela, gjiza. Djathërat që mund të gjeni në supermarketet: rabiola, strachino, squacquerone, crescenza.
Si duhet ta përdorim djathin në supën e fëmijës?
Djathi i freskët mund të hidhet në supën e mbrëmjes (rreth 30 gr). Djathi në disa raste mund të zëvendësohet nga proshuta e pjekur (koto), e cila mund të grihet hollë në kushte shtëpie, ose të blihet në kavanoza (do t’ju këshillonim proshutën e freskët, pra alternativën e parë). Në momentin që në supë do të shtoni djathin e freskët nuk duhet të përdorni edhe djathin parmixhan.
Lexoni edhe: Lista e ushqimeve qe nje femije duhet te haje
Për të lënë një koment ju duhet të jeni regjistruar Identifikohu