Për adhuruesit e kafes, ndryshimi i stinëve shpesh sjell gjithashtu një ndryshim në zakonet e mëngjesit.
Në studimin e ri, të botuar në revistën shkencore, hulumtuesit nga Thomas Jefferson University në Filadelfia krahasuan aciditetin dhe aktivitetin antioksidues të kafesë të nxehtë dhe të ftohtë.
Lajmi i mirë për kafen e nxehtë?
Kafja e nxehtë tregoi nivele më të larta të aktivitetit antioksidues. Antioksidantët mendohet të përfshihen në disa nga përfitimet e famshme shëndetësore të kafesë, duke përfshirë një rrezik më të ulët të sëmundjeve të zemrës, diabetit dhe vdekjes së hershme.
“Në moderim, hulumtimi tregon se kafja mund të jetë shumë e mirë për ju,” tha në një deklaratë bashkautori i studimit Megan Fuller, asistent profesor i kimisë në Jefferson. “Ne kemi gjetur se kur kafja është e nxehtë, ajo ka më shumë kapacitete antioksiduese.”
Megjithatë, Fuller dhe bashkautorja e tij, Niny Rao, profesoreshë e kimisë, shkruan në artikullin e tyre: “Hulumtime shtesë nevojiten për të kuptuar plotësisht çdo ndryshim të mundshëm në efektet shëndetësore të kafesë në funksion të temperaturës dhe kohës.
Fuller dhe Rao gjithashtu gjetën se aciditeti i kafesë të nxehtë dhe të ftohtë ishin shumë të ngjashme. Historikisht, kafja e ftohtë është konsideruar me më pak acid se ajo e ngrohtë dhe për këtë arsye është më e butë në stomak. Por në studimin e ri, nivelet e pH-së të mostrave të kafesë të nxehtë dhe të ftohtë ranë në një rang prej 4.85 në 5.13.
Kafja juaj e preferuar ende ka antioksidantë, si dhe polifenole dhe minerale të tjera që mbrojnë shëndetin, por gjenden pak më shumë tek e nxehta.
Lexo edhe: Kafe me brokoli? Nje praktike e re e shendetshme
Për të lënë një koment ju duhet të jeni regjistruar Identifikohu