Mund të keni dëgjuar për përdorimin e lulelakrës në pije të ndyshme, por tashmë një risi ka ndodhur edhe me brokolin.
Disa nutricionistë në Australi kanë gjetur një rrugë interesante për t’i bërë njerëzit të konsumojnë më shumë brokoli, duke e integruar atë në kafe.
“Me një trend rritës në konsumin e ushqimeve të shëndetshme, kultivuesit australianë gjithmonë po shohin mënyra për të diversifikuar prodhimet e tyre dhe për të eleminuar praktikat jo të shëndetshme, duke përmbushur kërkesat e konsumatorëve”, tha në një deklaratë për shtyp shefi ekzekutiv i Hort Innovation, duke shtuar më pas “Hulumtimi tregon mesatarja australiane nuk po ha ende dozën e rekomanduar ditore të perimeve dhe opsione të tilla si pluhuri i brokolit do të ndihmojnë në këtë çështje”.
Për të bërë kafe me brokoli, ky ushqim lihet të thahet, derisa prej saj përftohet një pluhur i hollë në trajtë pudre, të cilin mund ta shtoni në kafenë tuaj.
“Më pëlqen ideja e një produkti që përdoret për të ofruar një mënyrë të thjeshtë për të shtuar sasinë e perimeve, veçanërisht një perime si brokoli, që është ndër ushqimet më të mira për mbrojtjen kundër kancerit dhe sëmundjeve të zemrës, të cilat po shkaktojnë numrin më të lartë të vdekjeve”, – tha një nga studiueset.
“Përpjekja për të shtuar atë në kafe ka kuptim, sepse është diçka që shumica e njerëzve tashmë e pinë çdo ditë dhe një nga mënyrat më të mira për të krijuar ndryshime të shëndetshme është që të futet në një zakon ekzistues”.
Nëse nuk e pini kafen, mund ta shtoni brokolin në një ushqim ose pije që konsumoni më shpesh.
Lexo edhe: Si ta beni me te shendetshem konsumin e kafes?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu