Ju ka ndodhur të dëgjoni që gjatë gjumit frymëmarrja e fëmijës të mos jetë e pastër dhe e qetë?
Zakonisht truri i nënave fillon të shqetësohet në momentin që ajo dëgjon se fëmija merr frymë me vështirësi, por në të vërtetë gjendja nuk është aq alarmante sa mund të duket.
Çfarë duhet të bëjmë nëse fëmija merr frymë në mënyrë jo të qetë?
Frymëmarrja e fëmijës mund të mos jetë gjithmonë e njëjtë, njëherë mund të jetë më e thellë dhe njëherë jo, e rëndësishme është që ngjyra e fytyrës së fëmijës të mos ndryshojë, dhe frymëmarrja të kthehet sërish në gjendje normale. Një ecuri e tillë është krejtësisht fiziologjike.
Gjatë gjumit
Mund të ndodhë që gjatë gjumit frymëmarrja e fëmijës të jetë e shqetësuar, ku nga një gjendje normale kalon në frymëmarrje me ritme të shpejta, për t’u pasuar nga një pauzë e shkurtër dhe më pas një frymëmarrje normale, gjithcka ndodh brenda disa sekondave. Ky cikël frymëmarrje quhet “frymëmarrje periodike” dhe zhduket me rritjen e fëmijës, në momentin që truri maturon atë pjesë që lidhet me frymëmarrjen.
Prindërit duhet të vëzhgojnë me kujdes që pauzat të mos zgjasin më shumë se disa sekonda, që ngjyra e fëmijës të mos ndryshojë si edhe frymëmarrja të kthehet në normalitet. Nëse mendoni se ka diçka që nuk shkon tek frymëmarrja e fëmijës tuaj, duhet të shkoni menjëherë tek mjeku.
Lexoni edhe: Problemet me te shpeshta tek nje femije premature
Për të lënë një koment ju duhet të jeni regjistruar Identifikohu