A është vërtet koha e lindjes apo është një provë false? Është e vështirë të dallosh ndryshimin ndërmjet shtrëngimeve të vërteta të lindjes dhe atyre false, pasi simptomat e tyre janë të ngjashme. Ndaj është e rëndësishme që të dalloni mirë shënjat përkatëse në mënyrë që mos të shqetësoheni sa herë që përjetoni shenjat false, apo të mos i kushtoni vëmendjen e duhur momentit të vërtetë.

Çfarë janë kontraksionet false?

Kontraksionet false janë episode të shtrëngimeve të çrregullta dhe të dhimbshme të cilat mund të quhen “Braxon Hicks Contractions”. Kontraksionet mund t’i përjetoni edhe që në muajn e 4 , e më pas fillojnë e shpeshtohen teksa afrohet lindja e vërtëtë. Këto kontraksione njihen si kontraksionet false të lindjes pasi një nga pasojat e tyre janë dhimbjet por nuk shkaktojnë hapje. Kontraksionet false të lindjes nuk ndodhin tek të gjitha gratë shtatzëna .

Këtu janë disa nga shenjat e kontraksioneve false të lindjes

1. Kontraksione të çrregullta.
2. Ujërat nuk plasin. Nëse vini re rrjedhje dhe sekrecione me aromë,atëherë mund të jetë urinë pasi lengu amniotik është pa erë.
3. Shtrëngime të barkut.
4. Ndodh për disa minuta në ditë, duke u bërë më intensive teksa afrohet dita e lindjes.
5. Nuk ka hemoragji.

Nga se shkaktohen kontraksionet në shtatzani?

Siç u përshkrua edhe më sipër jo të gjitha gratë shtatzëna i përjetojnë kontraksionet false të lindjes.
Këto kontraksione mund të shkaktohen nga faktorë të ndryshëm si:

⦁ Aktivitete të rënda fizike;
⦁ Marrëdhëniet seksuale;
⦁ Nëse dehidratoheni kur po kaloni temperaturë gjatë shtatzanisë;
⦁ Lëvizjet e bebit.

Lexoni dhe: Ja cfare i shkakton kontraksionet e lindjes