Refluksi është një shqetësim që mund të shfaqet tek çdo fëmijë dhe për këtë arsye është shumë e rëndësishme që nëna te dije sa me shume rreth tij.

A e dini se çfarë është refluksi? A e dini se çfarë e shkakton refluksin?

Me refluks nënkuptojmë daljen e ushqimit (qumështit) dhe pështymës nga goja e fëmijës, fenomen i cili shfaqet pasi fëmija ka pirë ose në orët në vazhdim, gjatë proçesit të tretjes. Ky shqetësim shfaqet qysh në momentet e para te jetes pasi fëmija ka pirë dhe mund të zhduket rreth muajit të 12-18 të jetës së fëmijës, pra mund të vazhdojë edhe gjatë ushqyerjes me ushqime të ngurta.

Refluksi mund të jetë më shkaqe:

• Fiziologjike: dhe në këtë rast nuk duhet të shqetësoheni për shëndetin e fëmijës.
• Kronike: dhe në këtë rast do të vihet re një rënie e nivelit të fenomenit. Këshillohet të flisni me mjekun pediatër.
• Simptomatike: në këtë rast refluksi shfaqet shpesh edhe pse rritja e fëmijës është normale dhe nuk pëson luhatje të konsiderueshme.

Shkaqet

• Gjatë vitit të parë të jetës ky fenomen lidhet me maturimin jo të mirë të aparatit tretës, i cili nuk ka mësuar ende të punojë në mënyrën e duhur. Në këtë rast valvula nuk është në gjendje të evitojë ngjitjen e ushqimit në ezofag.
• Gjithashtu në këtë fenomen ndikon edhe mënyra si fëmija e pi qumështin, nëse ai pi shpejt do të nxjerrë një sasi të caktuar, kjo sepse stomaku i tij nuk do të jetë në gjendje të punojë në mënyrën e duhur në varësi të sasië së qumështit që është duke u future brenda tij.
• Shpesh refluksi mund të shfaqet pasi fëmija ka gromësitur dhe është shfaqur lemza.

Lexoni edhe: Kur bebi refuzon te pije qumesht?