Njerëzit që përjetojnë dhimbje të përhershme ose kronike në pjesën e poshtme të barkut nga ana e majtë duhet të kërkojnë kujdes mjekësor. Në mënyrë të ngjashme, një fillim i menjëhershëm i dhimbjeve të forta në këtë pjesë të trupit duhet t’ju çojë tek mjeku.

Shkaqet e dhimbjes në pjesën e poshtme të anës së majtë të barkut:

1.Divertikuliti, një nga shkaqet më të zakonshme të dhimbjes në këtë pjesë të trupit. Divertikuliti ndodh kur divertikula (flluskat që formohen në murin e jashtëm të zorrës së trashë) infektohet ose acarohet. Divertikulat janë të pranishme tek shumë të rritur. Sa më shumë të rritet një njeri në moshë aq më shumë mund të rritet numri i divertikulave, duke e bërë atë që të shpërthejë ose të fryhet. Dhimbja e divertikulitit rritet ndërkohë që një person ha apo pak pas vakti.

Simptoma të tjera të divertikulit mund të përfshijnë:

• butësi në bark;
• ethe;
• të përziera;
• të vjella;
• ndjenja e fryrjes.

2.Sëmundja e Celiakisë është një problem kronik që ndodh në traktin digjestiv (e tretjes) kur një person nuk mund të tretë glutenin. Gluteni është një proteinë që gjendet tek gruri dhe është i pranishëm në disa ushqime dhe produkte të kujdesit shëndetësor.

Kur një person ka sëmundjen e Celiakisë, sistemi i tyre imunitar sulmon pjesët e zorrëve, duke shkaktuar një sërë problemesh me tretjen dhe me mungesën e vitaminave.

Simptomat e sëmundjes së Celiakisë mund të përfshijnë:

• Presion dhe gazra;
• Fryrje;
• Dhimbje në bark;
• Lodhje;
• Humbje peshe;

Fëmijët me sëmundje të celiakisë të padiagnostikuar mund të vuajnë nga mungesa e dëshirës për të ngrënë.

3.Gazrat. Gazrat shpesh krijohen nga ajri i bllokuar në traktin e tretjes kur një person gëlltit ajrin gjatë ngrënies, si dhe nëpërmjet proceseve të tretjes natyrore. Gazrat nuk janë asgjë për t’u shqetësuar dhe do të kalojnë përmes rektumit ose ezofagut. Gazi që është bllokuar përkohësisht në traktin e tretjes mund të shkaktojë dhimbje dhe siklet derisa të lëvizë nga vendi.

Gazrat mund të shkaktohen nga:

• Ushqime të tretura që janë të prirura për lëshimin e gazrave;
• Gëlltitja e ajrit;
• Pirje duhani;
• Çamçakëzi;
• Mbingrënia;
• Ushqime të patretura;

Nëse dhimbja e gazrave është e shpeshtë ose shoqërohet me simptoma të tjera, një person mund të dëshirojë të konsultohet me një mjek. Simptoma të tjera përfshijnë:

• Humbje peshe e pashpjegueshme;
• Kapsllëk;
• Gjaku në mbetjet ushqimore;
• Të vjella ose diarre;

4.Intoleranca ndaj laktozës. Një person që është intolerant ndaj laktozës ka vështirësi në tretjen e qumështit dhe produkteve me bazë qumështi, si djathi dhe kosi. Kjo është për shkak se personi nuk ka sasi të mjaftueshme të një enzime të quajtur laktas.

Intolerenca e laktozës mund të jetë një shkak për dhimbjen në pjesën e poshtme të barkut.

Kur një person ka nivele të larta të laktozës në qarkullimin e gjakut, ato mund të zhvillojnë simptoma të lidhura me intolerancën e laktozës. Këto simptoma përfshijnë:

• Diarre;
• Dhimbje në bark;
• Fryrje;
• Të përziera;
• Zhurmë në stomak.

5.Sëmundjet e zorrëve inflamatore. Sëmundja e Crohn dhe koliti ulcerativ janë probleme kronike që mund të shkaktojnë inflamacion me dhimbje kudo në traktin e tretjes.

Sëmundja e Crohn është më e zakonshme në zorrët më të holla dhe koliti ulçeroz është më i zakonshëm në zorrën e trashë.

Ende nuk dihet se çfarë e shkakton sëmundjen e Crohnit ose kolitin ulçeroz. Simptomat më të zakonshme përfshijnë dhimbje në zonën abdominale dhe diarre me gjak. Gjithashtu mund të shkaktojë ethe dhe humbje të pashpjegueshme në peshë.

6.Dispepsi. Dispepsia është shkaktuar nga një grumbullim i acidit pas ngrënies. Për shumicën e njerëzve, dhimbja e dispepsisë ndodh në pjesën e sipërme të barkut. Ndërsa rrallë, dispepsia mund të ndodhë në pjesën e poshtme të barkut.

Në mënyrë tipike, shumica e rasteve me dispepsi përfshijnë dhimbje të lehta si ndjesi djegieje, siklet, urth, fryrje ose gazra.

7.Herpes. Herpesi shkaktohet nga virusi i njëjtë që shkakton linë e dhenve. Sapo një person e kalon linë e dhenve, virusi qëndron i fshehur në trup për gjithë jetën. Ndonjëherë, virusi i herpesit mund të shkaktojë dhimbje vetëm në një anë të barkut.

Simptomat e tjera të herpesit përfshijnë:

• dhimbje kur e prekni;
• Kruarje;
• butësi në lëkurë;
• pucrra;

8.Sindromi i zorrëve të irrituara është një çrregullim kronik gastrointestinal që një mjek mund ta diagnostikojë vetëm pasi të jenë përjashtuar shkaqet e tjera të mundshme të simptomave të një personi.

Simptomat e sindromës së zorrëve të irrituara mund të përfshijnë:

• dhimbje barku;
• presion;
• kapsllëk ose diarre;
• gazra;

9.Hernie; ndodh kur një organ ose pjesë tjetër e trupit shtyn përmes murit të barkut. Ndonjëherë, një gungë mund të shfaqet në pjesën e mesit ose afër ijeve. Lloje të ndryshme herniesh mund të ndodhin dhe ato ndryshojnë nga njëra-tjetra. Në të tilla raste është e domosdoshme që të shikoni tek një mjek sa më shpejt të jetë e mundur.

Disa simptoma të tjera të komplikimeve nga herniet përfshijnë:

• dhimbje kur ngrini një objekt;
• presion;
• dhimbje që rritet;
• fryrje të zonës;
• një ndjenjë e përgjithshme e ngopjes.

10.Kapsllëku. Kapsllëku mund të shkaktohet nga mungesa e stërvitjes dhe një dietë e dobët. Përmirësimi i dietës dhe stërvitja në rritje janë dy nga trajtimet më efektive.

11.Gurët e veshkave. Shumica e gurëve në veshka formohen nga ndërtimi i kalciumit dhe mund të formohen në të dyja veshkat edhe në atë të majtë edhe në të djathtën.

Simptomat tipike të gurëve të veshkave përfshijnë:

• dhimbje barku;
• dhimbje gjatë urinimit;
• përzierje ose vjellje;
• gjak në urinë;
• ethe;
• urinim i shpeshtë.

12.Bllokimi i zorrëve. Kur një bllokim ndodh në zorrë, ushqimi nuk mund të kalojë nëpër traktin e tretjes. Kjo rezulton në dhimbje që kërkon vëmendje të menjëhershme mjekësore.

Bllokimet e zorrëve janë më të zakonshme në të rriturit e moshuar dhe zakonisht shkaktohen nga probleme të tjera, të tilla si diverticulitis ose kanceri i zorrës së trashë.

Simptomat e zakonshme të bllokimit të zorrëve përfshijnë:

• dhimbje barku;
• pamundësia për të kaluar mbetjet ushqimore;
• fryrje;
• të vjella;
• kapsllëk.

Nëse dhimbjet në pjesën e poshtme të barkut bëhen të forta dhe zgjasin për një periudhë të gjatë, mjeku mund të përdorë një sërë teknikash për të gjetur shkaqet e mundshme dhe për të ndërmarrë një mënyrë efektive trajtimi.

Pasi mjeku të identifikojë një diagnozë të veçantë, ai mund të sugjerojë vizitën tek një specialist tjetër, si një gastroenterolog, i cili do të jetë në gjendje të ofrojë kujdes më të fokusuar.

Lloji i trajtimit do të varet nga gjendja ose sëmundja që shkakton dhimbjen.

Shpesh dhimbja në pjesën e poshtme të barkut për shkak të një infeksioni, siç është divertikuliti, kërkon vetëm antibiotikë.

Probleme të tjera, më strukturore, të tilla si një hernia ose bllokimi i zorrëve, mund të kërkojnë kirurgji.

Trajtimi i kapsllëkut dhe gazrave mund të ketë nevojë vetëm rregullime dietetike dhe në raste të rënda për përdorimin e laksativëve.

Ndërsa intoleranca, siç është intoleranca ndaj laktozës, mund të kërkojë mospërfshirjen e disa ushqimeve në dietën tuaj ushqimore.

Probleme të tjera, më strukturore, të tilla si një hernie ose një bllokim i zorrëve, mund të kërkojnë kirurgji.

Vizita e mjekut është e rëndësishme kur:

• Dhimbja shoqërohet me simptoma të tjera dhe është e pashpjegueshme;
• Dhimbje kronike apo e qëndrueshme;

Një mjek mund të diagnostikojë shkakun real të dhimbjes në anën e majtë të pjesës së poshtme të barkut dhe ofrojë një plan të veçantë trajtimi për problemin përkatës.

Lexo edhe: Dhimbjet ne fund te barkut