Me uljen e temperaturave do të vihet re edhe shfaqja e virozave të para tek fëmijët duke qënë se sistemi i tyre imunitar është ende i dobët. Rrugët e tyre të frymëmarrjes do të jenë shumë të predispozuara të sulmohen të parat nga këto viroza dhe për pasojë mund të shfaqet edhe bronkioliti.

Bronkioliti tek bebet

Ky është një infeksion viral akut që prek fëmijët gjatë viteve të para të jetës dhe shkaktohet nga një virus stinor që prek bronket e mushkërive. Simptomat e para do të ishin ato të një viroze të thjeshtë si edhe riniti (hundë të bllokuara dhe që kullojnë, kollë) por do të vihet re edhe një ngritje e temperaturës trupore. Gjithashtu do të vihet re edhe një vështirësi në frymëmarrje duke marrë në disa raste edhe një pamje me ngjyrë blu në lëkurë (duhet të shkoni urgjent në spital). Një simptomë tjetër do të ishte edhe irritimi i fëmijës gjë që shkaktohet nga vështirësia që ka në frymëmarrje dhe si pasojë e kësaj mund të vini re një futje brenda të brinjëve (kur fëmija thith ajrin), frymëmarrje me zhurmë (fërshëllimë), frymëmarrje e shkurtër dhe e shpeshtë etj.

Nëse infeksioni do të shfaqë komplikacione, ato do të ishin: patologji në rrugët e frymëmarrjes duke përfshirë edhe astmën në moshë madhore, vështirësi të mëdha në frymëmarrje, një infeksion sekondar si polmoniti etj.

Si veprohet?

Simptomat do të fillojnë të lehtësohen nga dita e 3, ndërkohë ju duhet të bëni lavazhe nazale me solucion fiziologjik, të lagështoni ajrin, në disa raste merret edhe oksigjen  (e përcakton mjeku), fëmija duhet të pushojë në shtrat. Antibiotikët nuk kanë asnjë efekt në këtë rast pasi bëhet fjalë për një infeksion viral dhe ky medikament nuk ka efekt mbi viruset. Në këtë rast mjeku mund të përdorë medikamente me përbërje kortizonike.

Bronkioliti nuk mund të parandalohet sepse virusët ndodhen në ambient. Ju këshillojmë vetëm që ta bëni fëmijën të lajë shpesh duart.

Lexo edhe:

Kur bronshiti kurohet pa medikamente

Bronshiti tek femijet

')}