Ka shumë mënyra për të pasur një marrëdhënie më të mirë me gruan tuaj, dikush nga ju preferon t’i blejë lule, dikush organizon me përpikmëri një takim intim e kështu me radhë. Pra gjithsecili zgjedh mënyrën që mendon se është më e mira, ndërsa unë preferoj të fle me gruan time, dhe këtu nuk e kam fjalën aspak për seksin edhe pse është një mënyrë natyrale për të krijuar një marrëdhënie më të mirë, por e kam fjalën për krijimin e një rutine gjumi me gruan, si një mënyrë për të rritur intimitetin mes nesh.
Por edhe pse mund të tingëllojë si diçka e thjeshtë për t’u arritur, në të vërtetë nuk është kështu. Për shembull gruaja ime është tipi i femrës që zgjohet shumë herët, madje mund të them se zgjohet edhe para se të lindë dielli dhe i hap sytë me një humor në fytyrë. Ndryshe nga ajo, unë duhet të pi filxhanin e katërt të kafes për të pasur një buzëqeshje në fytyrë. Shpjegimi që unë i jap kësaj situate është fakti që zakonisht qëndroj si buf nate, ndërsa ajo fle rreth orës 10. Të gjithë mund të zgjohemi me humor të mirë nëse shkojmë në shtrat në atë orë apo jo?
Por kam kuptuar gjithashtu se asaj nuk i pëlqen të shkojë në shtrat vetëm! Dhe mendoj se kur thotë “po shkoj të fle” në të vërtetë po kërkon të shprehë “a do të shkojmë të flemë?”. Të them të drejtën, në fillim mu duk qesharake ideja e fjeturit në orën 10, e madje shumë net kam qëndruar shtrirë në shtrat duke parë në heshtje tavanin e dhomës së gjumit, por tani pas shumë vitesh martesë kur ajo më thotë “po shkoj të fle” unë shtrihem gjithashtu me të, jo si një detyrë apo ritual por si një dëshirë për të qëndruar pranë saj dhe për të ndier frymëmarrjen ritmike në gjoksin tim. Më pëlqen të flirtoj pa fjalë me të ndërsa lajmë dhëmbët në të njëjtin lavaman, endemi duke biseduar në lidhje me të ardhmen dhe mendoj se nëse nuk do të kisha shkuar në shtrat në një kohë me të nuk do të kisha mësuar shumë nga ëndrrat e saj.
Por edhe nga ana praktike ka përfitime, për shembull nëse unë do të shkoja më vonë se ajo në shtrat me shumë mundësi do ta zgjoja dhe nga ana tjetër ka më mundësi për të pasur marrëdhënie seksuale më shpesh por gjithashtu edhe të informohemi në lidhje me planet tona për javën në vazhdim.
Pra gjëja më e mirë që mund të bëni është të sinkronizoni gjumin me personin që doni.
Lexo edhe: 5 perfitimet shendetesore nga dremitja
')}
Për të lënë një koment ju duhet të jeni regjistruar Identifikohu