Shumë fëmijë mund të mësojnë të flasin duke përsëritur pjesë të fjalëve dhe duke zgjatur zërin kur thonë zanoret. Në shumicën e rasteve ato janë sjellje kalimtare që zgjidhen në mënyrë spontane. Nëse, nga ana tjetër, kjo fazë vazhdon të manifestohet për mbi 6 muaj pa treguar përmirësim, kemi të bëjmë me problemin e belbëzimit. Psikologia Lorela Garuli jep disa këshilla si mund të reduktohet ky problem.
Mos shmang të folurit
Duke qenë se individët janë të ndërgjegjshëm për belbëzimin e tyre, në më të shumtën e rasteve zgjedhin të mos flasin dhe vetëizolohen. Por, kjo nuk është gjëja e duhur për t’u bërë. Në fakt është vërtetuar se shmangia e të folurit, e rëndon situatën.
Shmang fjalët “trigger”
Fjalët “trigger” janë ato fjalë ku ka më shumë belbëzim.
E folura para pasqyrës
Ndani diçka duke folur para pasqyrës, edhe nëse jeni vetëm. Kjo do ju ndihmojë për përballjen shoqërore. Mund të flisni për një ndodhi të jetës suaj të përditshme, ashtu sikurse mund të riprodhoni një tekst.
Kontrollo frymëmarrjen
Frymëmarrja dhe frymënxjerrja janë një komponent shumë i rëndësishëm i kontrollit të belbëzimit. Merrni frymë mirë para se të filloni të flisni, qetësoni veten dhe më pas filloni të flisni.
Kënga
Është vërtetuar se në shumicën e rasteve, personat kur këndojnë nuk belbëzojnë. Kështu që vishini të folurës suaj një vijë melodike.
Lexo me zë të lartë
Zakonisht, preferohet që në fillim të jetë një poezi me rimë, dhe më pas vazhdohet me një fjali dhe teskt të gjatë.
Regjistroni veten duke folur
Është një metodë që ka rezultuar efektive në një pjesë të mirë të rasteve autoperative.
Praktiko fjalët “trigger”
Fillo duke praktikuar një nga një dhe më pas së bashku në rrjedhën e të folurit. Praktiko sa më shumë.
Mbaj kontakt me sy me personin që flet
Kjo të ndihmon të përqendrohesh tek ajo që do të thuash, redukton tensionin.
Pranoje veten
Refuzimi dhe vetëizolimi nuk janë zgjidhje. Mos i bëj pjesë të zgjedhjeve të tua.
Kërko ndihmë profesionale
Nëse belbëzimi yt persiston, kërko ndihmë profesionale.
Lexo edhe: Fëmijës i merret goja? Nëse e trajtoni para kësaj moshe mund të shërohet
Për të lënë një koment ju duhet të jeni regjistruar Identifikohu